امریکہ اور نیٹو ممالک افغانستان میں شکست کا ذمہ دار پاکستان کو ٹھہرارہے ہیں ، پاکستان سے انتقام لینے کیلئے بھارت سے معاہدے کئیجا رہے ہیں،بھارت کے تمام ایئرپورٹس پر امریکی ڈرون موجود ہیں ، یہ تمام تیاریاں پاکستان کے خلاف کی جا رہی ہیں،عالم کفر پاکستان کے ایٹمی پروگرام اور میزائل پروگرام کو برداشت کرنے کیلئے تیار نہیں،پاکستان کے اندر اتحاد کی فضا پیدا کریں گے ، اسلام دشمنوں کا جواب دینے کے لئے اسلامی یونین بنائی جائے
امیرجماعۃ الدعوۃ حافظ محمد سعیدکا سینئر صحافیوں ، مدیران اور کالم نگاروں کے اعزاز میں دیئے گئے افطار ڈنر سے خطاب
ہفتہ 18 جون 2016 22:48
اسلام آباد(اُردو پوائنٹ اخبارتازہ ترین - آئی این پی۔18 جون ۔2016ء ) امیرجماعۃ الدعوۃ پاکستان پروفیسر حافظ محمد سعید نے کہا ہے کہ امریکہ افغانستان میں اپنی شکست کا بدلہ لینے کے لیے بھارت کے ساتھ مل کر پاکستان کے خلاف اتحاد بنا رہا ہے ، امریکہ اور نیٹو ممالک اس بات پر متفق ہیں کہ افغانستان میں شکست کا ذمہ دار پاکستان ہے اور پاکستان کی وجہ سے ہی نیٹو ممالک اس خطے میں اپنے مقاصد حاصل نہیں کر سکے ، پاکستان سے انتقام لینے کیلئے بھارت سے معاہدے کیلئے جا رہے ہیں۔
پہلے بھارتی وزیراعظم مودی کو دہشت گرد ڈکلیئر کیا گیالیکن آج اس کا پرتپاک استقبال کیاجا رہا ہے ، اب بھار ت امریکہ کی ضرورت ہے۔ امریکہ اس سے اپنے مقاصد کیلئے استعمال کرنا چاہتا ہے۔ بھارت نے اپنی بندرگاہیں معاہدے کے تحت امریکہ کے حوالے کیں،بھارت کے تمام ایئرپورٹس پر امریکی ڈرون موجود ہیں۔(جاری ہے)
یہ تمام تیاریاں چین کے لیے نہیں بلکہ پاکستان کے خلاف کی جا رہی ہیں۔
عالم کفر پاکستان کے ایٹمی پروگرام اور میزائل پروگرام کو برداشت کرنے کیلئے تیار نہیں۔ امریکہ اپنی شکست کا انتقام لینے کیلئے بھارت کو استعمال کرنا چاہتا ہے،پاکستان کے اندر اتحاد کی فضا پیدا کریں گے ،اگر یورپی یونین بن سکتی ہے تو اسلامی یونین بھی بن سکتی ہے۔ وہ ہفتہ کو سینئر صحافیوں ، مدیران اور کالم نگاروں کے اعزاز میں دیئے گئے افطار ڈنر سے خطاب کر رہے تھے ۔ حافظ محمد سعید نے کہا کہ سعودی عرب امریکہ سے دن بدن دور ہو رہا ہے۔ مسلمان ملکوں کے بننے والے اتحاد میں پاکستان کا کردار کلیدی ہوگا۔ پاکستان عرب ممالک کو دفاع کی ضمانت دینے کی اہلیت رکھتا ہے۔ اگر آج مسلمان ممالک وسیع تر اتحاد قائم کر کے معاشی وسائل کو یکجا کرتے ہیں تو اس سے مغرب کو بہت بڑا نقصان ہو گا۔ اس لیے وہ سمجھتے ہیں کہ اگر پاکستان کو انتشار کا شکار کر لیا جائے تو مسلمان ملکوں کا اتحاد نہیں بن سکے گا۔ صرف اسی صورت میں مسلمان ملک امریکی غلام رہ سکتے ہیں۔ اس لیے پاکستان کے خلاف سازشوں میں دن بدن شدت آ رہی ہے۔ یہ باقاعدہ منصوبہ بندی کے تحت ہو رہا ہے۔ آج بلوچستان کے اندر ایک ڈرون حملہ ہوا تو کیا ہم وہ دن بھول گئے جب امریکی جرنیل پاکستان میں بیٹھے ہوتے تھے اور یہاں سے ڈرون اڑ کر افغانستان میں حملہ کرتے تھے۔ اگر اتنے خوفناک منصوبوں کے باوجود بھی افغانستان سے نیٹو کو نکلنا پڑا تو اس میں بھی اﷲ تعالیٰ کی تدبیر نظر آتی ہے۔انہوں نے کہا کہ ہم نے امریکیوں کو بہت بھگت لیا ہے اب انڈیاا سے بھگتے گا۔ مودی انڈیا کی تباہی کا سبب بنے گا۔ امریکہ کے ساتھ معاہدوں کی وجہ سے مودی کو انڈیا میں بھی پریشانی کا سامنا کرنا پڑے گا۔ امریکہ کی دوستی اس کی دشمنی سے زیادہ خطرناک ہے۔ پارلیمنٹ کے اندرجو کچھ ہور ہا ہے اس سے قوم کے اندر مایوسیاں پھیل رہی ہیں۔ قوم اﷲ کے فضل سے اب بھی زندہ ہے۔ میڈیا قوم کو اس مایوسی کی صورت حال سے نکالے۔ حافظ محمد سعید نے کہا کہ پاکستان کے اندر اتحاد کی فضا پیدا کریں گے۔ اگر یورپی یونین بن سکتی ہے تو اسلامی یونین بھی بن سکتی ہے۔ مایوسیوں کو ختم کریں۔ امیدوں کے چراغ جلائیں۔ روشن راستے دکھائیں۔مضبوط پاکستان کشمیر کی آزادی کا ضامن ہے۔ آج کشمیر میں تحریک آزادی کی قیادت نوجوان کر رہے ہیں جو کشمیر کے شہر شہر پاکستان کا جھنڈ ا لہرا رہے ہیں ۔ مضبوط اور متحد پاکستان 25کروڑ بھارتی مسلمانوں حل کیلئے بھی بہت اہمیت رکھتا ہے۔ میڈیا کی وجہ سے قوم کی صحیح سمت گامزن ہو سکتی ہے۔مزید اہم خبریں
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
نیپرا نے کےالیکٹرک سمیت ملک بھر کیلئے بجلی مہنگی کردی
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
-
پنجاب حکومت کا کاشتکاروں کو60 فیصد سبسڈی پر 56 اقسام کی زرعی مشینری دینے کا فیصلہ
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.