شریف خاندان کے اندرونی اختلافات‘وزیراعظم نے رمضان کے آخری عشرے میں خاندان کے افراد کو سعودی عرب بلالیا
اختلافات کی وجہ پاناما لیکس میں سامنے آنے والے اثاثہ جات ہیں جنہیں وراثتی جائیدادتقسیم کرتے وقت ظاہرنہیں کیا گیا:معتبرذرائع
میاں محمد ندیم جمعرات 16 جون 2016 14:36
اسلام آباد(اردو پوائنٹ اخبارتازہ ترین-میاں محمد ندیم سے۔16جون۔2016ء) وزیراعظم نوازشریف نے خاندانی تنازعات کو حل کرنے کے لیے رمضان کے آخری عشرے میں خاندان کے افرادکوسعودی عرب میں اکٹھا کرنے کا عندیہ دیا ہے-لندن سے مسلم لیگ نون کے انتہائی معتبر ذرائع کے مطابق وزیراعظم نوازشریف رمضان کے اخری عشرے میں لندن سے سعودی عرب روانہ ہونگے جہاں وہ اپنے خاندان کے ساتھ عمرہ اداکریں گے-ذرائع کا کہنا ہے کہ اس سلسلہ میں وزیراعلی پنجاب میاں شہبازشریف کے خاندان کو بھی دعوت دی گئی ہے اور ممکنہ طور پر وزیرداخلہ چوہدری نثار علی خان سمیت بعض اہم وفاقی وزراءاور پارٹی کے سنیئرقائدین بھی سعودی عرب جائیں گے-ذرائع کا کہنا ہے کہ شریف خاندان کے درمیان پاناما لیکس میں سامنے آنے والے اثاثہ جات پر شدید اختلافات پائے جاتے ہیں -اور اس سلسلہ میں بیگم کلثوم نوازاور بیگم نصرت شہبازشریف کے درمیان تلخ کلامی بھی ہوچکی ہے کیونکہ پانامالیکس میں سامنے آنے والے اثاثہ جات کو خاندان کے تقسیم شدہ اثاثہ جات میں شامل نہیں کیا گیا تھا-لہذا شہبازشریف فیملی ان میں بھی اپنا حصہ چاہتی ہے کیونکہ لندن کے فلیٹ آف شور کمپنیوں کے ذریعے خاندان میں جائیداد کی تقسیم سے پہلے خریدے گئے تھے-جن کی ویلیو آج اربوں پاﺅنڈ ہے-ذرائع کا یہ بھی کہنا ہے کہ مشترکہ کاروباری کمپنیوں کے نام پر کچھ بے نام بنک آکاﺅنٹس بھی کھولے گئے جن میں کروڑوں ڈالرجمع کروائے گئے ان اکاﺅنٹس کا ذکر بھی خاندان میں جائیدادکی تقسیم کے وقت نہیں کیاگیا-ذرائع نے بتایا ہے کہ مسلم لیگ نون کے اراکین قومی اسمبلی کی بڑی تعداد جن کا تعلق پنجاب سے ہے وہ میاں شہبازشریف کے حامی ہیں کیونکہ پنجاب حکومت کی جانب سے مختلف سکیموں اور ان کے نیچے اراکین صوبائی اسمبلی کے ذریعے بھاری فنڈزمہیا کیئے جارہے ہیں-دوسری جانب میاں شہبازشریف نے اپنے رویے میں بھی نمایاں تبدیلی کی ہے اور وہ منتخب اراکین کو زیادہ سے زیادہ وقت دیتے ہیں -دوسری جانب نون لیگی منتخب اراکین کو شکایت ہے کہ انہیں مریم نوازسے بھی ملنے کے لیے مہینوں انتظار کرنا پڑتا ہے -اور میاں نوازشریف کی طرح ان کا رویہ بھی وزیراعظم میاں نوازشریف کی طرح منتخب اراکین کے ساتھ تحضیک آمیزہوتا ہے-ذرائع نے بتایا ہے کہ عید کے بعد ان ہاﺅس تبدیلی کے لیے ایک بھرپورمہم چل سکتی ہے جس کی پیش بندی کے لیے نوازشریف خاندان کو متحدہ کرنے کی آخری کوشش کرنے جارہے ہیں-
متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.