اورلینڈوکلب کا حملہ آور عمر متین مذکورہ کلب میں باقاعدگی سے جایا کرتا تھا، نیا انکشاف ہو گیا
سمیرا فقیرحسین منگل 14 جون 2016 13:18
اورلینڈو(اُردو پوائنٹ تازہ ترین اخبار۔14جون 2016ء) :اولینڈو کے ہم جنس پرست کلب پر فائرنگ کرنے والے حملہ آور عمر متین کے بارے میں ایک اہم انکشاف یہ ہوا ہے کہ عمر متین اس کلب میں حملے سے قبل بھی باقاعدگی سے مذکورہ کلب جایا کرتا تھا۔ تازہ ترین انکشاف کے مطابق عمر متین کی ہم جنس پرستوں کی ویب سائٹس پر پروفائل بھی موجود ہے جس سے یہ صاف ظاہر ہے کہ عمر متین ہم جنس پرستوں کے کلب میں جانے کے ساتھ ساتھ ان کی سائٹس بھی استعمال کرتا تھا۔
عمر متین کے والد نے اس سے قبل اپنے ایک بیان میں بتایا کہ عمر متین دو مردوں کو بوس و کنار کرتے ہوئے دیکھ کر غصے میں آ گیا تھا لیکن کلب کے ایک ممبر نے انکشاف کیا کہ عمر متین خود بھی اس کلب میں باقاعدگی سے آتا تھا جبکہ ہم جنس پرستوں کی ویب سائٹ پر کسی ایک ہم جنس پرست کے ساتھ اس کی بات چیت بھی ہوتی تھی۔(جاری ہے)
کلب میں ہی موجود سمتھ نامی ایک شخص نے بتایا کہ عمر کے والد ب ہت سخت تھے اور گھر میں اس کی اہلیہ اور اہل خانہ کی موجودگی کے سبب وہ گھر میں شراب نوشی نہیں کر سکتا تھا لہٰذا جب بھی کلب میں آتا تو شراب کے نشے میں گھر والوں کو برا بھلا کہتا تھا۔
سمتھ کا کہنا تھا کہ بعض اوقات عمر ایک کونے میں جا کر بیٹھ جاتا اور خوب شراب نوشی کرتا لیکن کئی مرتبہ وہ شراب کے نشے میں آپے سے باہر بھی ہو جایا کرتا تھا۔ہم جنس پرست جوڑے کیلن اور سمتھ نے بتایا کہ ایک مرتبہ مذہب کا تمسخر اڑانے پر عمر متین نے چاقو نکال کر دھمکی دیتے ہوئے کہا کہ اگر انہوں نے آئندہ اسے تنگ کرنے کی کوشش کی تووہ اپنا انجام یاد رکھیں۔ دوسری جانب 2006میں عمر متین کی پولیس اکیڈمی میں موجود ایک ہم جماعت نے اپنے بیان میں کہا کہ مجھے گمان تھا کہ عمر متین ہم جنس پرست ہے۔نام نہ بتانے کی شرط پر عمر کے ہم جماعت نے مزید بتایا کہ عمر 2006سے ہی ہم جنس پرست ہے لیکن اس نے اس سے متعلق کبھی کسی پر ظاہر نہیں ہونے دیا۔ہم جماعت نے مزید بتایا کہ متین نے مجھے بھی باہر جانے کی پیشکش کی تھی۔متعلقہ عنوان :
مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.