افغانستان سمیت اپنے تمام ہمسائیوں سے بہتر تعلقات کے خواہاں ہیں ‘ سرتاج عزیز
جمعہ 10 جون 2016 14:36
اسلام آباد (اُردو پوائنٹ اخبارتازہ ترین - این این آئی۔10 جون ۔2016ء) وزیراعظم کے مشیر برائے خارجہ امور سرتاج عزیز نے کہا ہے کہ افغانستان سمیت اپنے تمام ہمسائیوں سے بہتر تعلقات کے خواہاں ہیں ‘ہماری سول و ملٹری قیادت ایک صفحے پر ہے ‘دونوں ڈرون حملے کو ملکی سلامتی و وخود مختاری کے خلاف قرار دیا ہے ۔ایک انٹرویو میں انہوں نے کہا کہ ہماری حکومت نے 2013ء میں اقتدار میں آنے کے بعد امریکہ کے ساتھ سٹریٹجک ڈائیلاگ کو بحال کیا۔
وزیراعظم محمد نواز شریف نے 2013ء اور پھر 2015ء میں امریکہ کے کامیاب دورے بھی کئے۔دہشتگردی کے خلاف جنگ میں پاکستان امریکہ کا اہم اتحادی بھی ہے، دہشتگردی کے خلاف جنگ میں سب سے زیادہ قربانیاں پاکستان نے دی ہیں جس کو عالمی برادری بھی سراہتی ہے۔(جاری ہے)
ایک سوال کے جواب میں انہوں نے کہا کہ ہم افغانستان سمیت اپنے تمام ہمسائیوں سے بہتر تعلقات کے خواہاں ہیں اور افغان امن عمل کیلئے تعاون بھی کر رہے ہیں۔
گزشتہ دو اڑھائی سال میں افغانستان کے ساتھ ہم نے بہت تعاون کیا ہے کیونکہ ہم جانتے ہیں کہ افغانستان میں امن پورے خطے کیلئے مفید ہے، افغانستان میں امن کیلئے مذاکرات ہی بہترین ذریعہ ہیں، امریکہ نے 15 سال افغانستان فوجی آپریشن کیا لیکن مسئلہ حل نہیں ہو سکا۔ افغان امن عمل کیلئے بات چیت ہی بہترین ذریعہ ہے جس سے یہاں امن بحال ہو سکتا ہے۔ ایک اور سوال کے جواب میں سرتاج عزیز نے کہا کہ بلوچستان میں ہونے والا حالیہ ڈرون حملہ پاکستان کی خودمختاری کی خلاف ورزی ہے جس سے ہمارے اعتماد کو دھچکا بھی لگا ہے، اس ڈرون حملے کے افغان امن عمل پر بھی اثرات مرتب ہونگے، ہماری سول و ملٹری قیادت ایک صفحے پر ہے جس نے ڈرون حملے پر تشویش کا اظہار کرتے ہوئے اسے ملکی سلامتی و خودمختاری کی خلاف ورزی قرار دیا ہے۔ امریکی سفیر کی دفتر خارجہ طلبی بھی کی گئی ہے اور واقعے پر شدید احتجاج نوٹ کرایا گیا ہے۔ ایک اور سوال کے جواب میں انہوں نے کہا کہ پاکستان میں بھارتی مداخلت کے ثبوت پہلے بھی پیش کر چکے ہیں اور حال ہی میں بھارت کے نیول آفیسر کلبھوشن یادیو کا پاکستان سے پکڑا جانا بھی سب کے سامنے ہے جو یہاں دہشتگردی کو سپورٹ کرنے میں ملوث تھا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.