وہ 6 سازشی نظریات جو درست ثابت ہوئے
امین اکبر جمعرات 9 جون 2016 06:54
بہت کم سازشی نظریات ایسے ہوتے ہیں جو کبھی درست ثابت ہوئے ہوں ۔عام طور پر سازشی نظریات بظاہر بعید از قیاس ہوتے ہیں، جس کی وجہ سے ان کا درست ہونا مشکل لگتا ہے۔ ذیل میں چند ایسے سازشی نظریات دئیے جا رہے ہیں، جو درست ثابت ہوئے تھے۔
ایم کے الٹرا
ایم کے الٹرا سی آئی اے کا وہ خفیہ پراجیکٹ تھا، جس کا مقصد اپنی ہی عوام کا دماغ کنٹرول کرنا تھا۔
(جاری ہے)
1970 کی دہائی کے آخر میں سینٹ نے اس پر تحقیقات کا آغاز کیا مگر تب تک سی آئی اے اس پراجیکٹ کے بہت سے کاغذی ثبوت ضائع کر چکی تھی۔
فروٹ مشین
آج کل تو مغربی ممالک میں ہم جنس پرستوں کو کھل کر شادی کرنے کی اجازت بھی ہے تاہم 60 کی دہائی اسے سیکورٹی رسک سمجھا جاتا تھا۔اسی وجہ سے کینیڈین حکومت نے ہم جنس پرستوں کو فوج، پولیس اور شہری اداروں سے نکالنے کا فیصلہ کیا۔ہم جنس پرستوں کا کھوج نکالنے کے لیے ایک خصوصی ٹیم بنائی گئی، جس نے خفیہ طور پر کلبوں کا دورہ کیا مگر یہ اقدام ناکافی تھا۔ اس کے بعد انہوں نے فروٹ مشین کے نام سے ایک ڈیوائس بنائی۔ بظاہر تو ذہنی دباؤ کےٹسٹ کا بتا کر وہ ٹیم ہم جنس پرست لوگوں کو تلاش کرنے لگی۔ ٹسٹ کے دوران یہ ٹیم لوگوں کو عریاں تصاویر دکھاتی ، ان میں ہی ہم جنس پرستوں کی تصاویر بھی شامل ہوتیں۔ جس شخص کا ٹسٹ لیا جا رہا ہوتا، اس کے جسم سے آلات نصب ہوتے۔ تصویر دیکھنے پر اس کے ردعمل کا جائزہ لیا جاتا اور اس طرح پتہ چلایا جاتا کہ وہ ہم جنس پرست ہے یا نہیں۔فروٹ مشین کے باعث 400افراد کو اپنی ملازمت سے ہاتھ دھونا پڑے۔
ٹسکیگی سٹڈی
1932سے 1972 کے دوران یہ تجربات صرف سیاہ فام افراد پر کیے گئے۔ اس مطالعے کا مقصد سیاہ فام افراد میں ناقابل علاج مرض آتشک کا مطالعہ کرنا تھا۔مطالعہ کرنے والوں نے 400 کمزور افریقن امریکن افراد کو اس مرض میں مبتلا کیا اور ان کا علاج کیے بغیرجائزہ لیتے رہے۔ان سیاہ فام افراد کو کبھی نہیں بتایا جا تا تھا کہ انہیں یہ مرض ہے۔ انہیں بس اتنا کہا جاتا کہ اُن کا خون خراب ہے، جس کے علاج کے لیے انہیں عام سی اسپرین جیسی ادویات دیں جاتیں۔یہ مطالعہ اس وقت تک جاری رہا جب تک پنسلین اس کا معیاری علاج نہ بن گیا۔ 1970 کی دہائی میں عوام کو اس مطالعے کا پتہ چلا، عوامی غم و غصے کے بعد یہ مطالعہ ختم کر دیا گیا۔1997 میں بل کلنٹن نے باقاعدہ طور پر ان تجربات کا اعتراف کیا۔
زہریلی شراب کی فراہمی
1920سے 1933 کے درمیان امریکی حکومت نے شراب کی تیاری اور اس کی فروخت پر مکمل پابندی لگا دی، جس کے نتیجے میں عوام غیر قانونی طور پر شراب حاصل کرنے لگے، خفیہ شراب خانے کھل کیے یا لوگوں نے گھروں میں شراب خانے بنالیے۔ لوگوں کو شراب سے دور کرنے کے لیے امریکی حکومت نے مارکیٹ میں موجود شراب میں زہریلی ادویات شامل کر دیں ،جس سے لوگ مرنے لگے۔ اندازہ ہے کہ زہریلی شراب پینے سے مرنے والوں ک تعداد 10ہزار تک ہو گئی تھی مگر لوگ پھر بھی شراب پینے سے باز نہیں آتے تھے۔زہریلی شراب پینے سے ہزاروں لوگ معذور اورنابینا بھی ہوگئے تھے ۔ کہا جاتا ہے کہ حکومت نے جان بوجھ کر ناپسندیدہ شہریوں سے نجات پانے کے لیے شراب کو زہریلا بنایا تھا۔
آپریشن پیپر کلپ
اس آپریشن میں سی آئی اے نے نازیوں کے ساتھ مل کر کام کیا۔دوسری جنگ عظیم کے بعد سی آئی اے نے جرمنی کےایک کیمپ میں نازی سائنسدانوں کے ساتھ مل کر دماغ کو کنٹرول کرنے والی ادویات بنائیں۔ ان ادویات کو ورسی قیدیوں پر استعمال کیا جاناتھا۔
این ایس اے اور عالمی نگرانی کا نظام
2013 میں ایڈورڈ سنوڈن نے واشنگٹن پوسٹ اور گارجین کو بتایا کہ کس طرح امریکی حکومت اپنے شہریوں اور دنیا بھر کی حکومتوں کی جاسوسی کرتی ہے۔شروع میں خیال کیا گیا کہ حکومت صرف امریکی شہریوں کی جاسوسی کرتی رہی ہے مگر جلد ہی پتہ چلا کہ امریکی اپنے اتحادیوں سمیت دنیا بھر کے رہنماؤں کی جاسوسی بھی کرتی رہی ہے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.