عالمی مارکیٹ میں تانبے کی قیمت میں اضافہ

ہفتہ 4 جون 2016 15:29

لندن (اُردو پوائنٹ اخبارتازہ ترین - این این آئی۔04 جون۔2016ء) عالمی مارکیٹ میں تانبے کی قیمت میں اضافہ دیکھنے میں آیا۔ اقتصادی ماہرین کے مطابق امریکا میں ڈالر کی قدر میں اضافہ اور امریکی جاب ڈیٹا رپورٹ کے بعد تانبے کی قیمتیں بڑھ گئی ہیں اور بروکروں نے خریداری کا عمل تیز کردیا ہے ۔

(جاری ہے)

لندن میٹل ایکسچینج کے تحت تانبے کی قیمتوں میں 1.7فیصد اضافہ ریکارڈ کیا گیا اورمستقبل کے سودے 4688 ڈالر فی ٹن میں طے پائے۔

اس سے قبل اس کی قیمت 4565.50 ڈالر کے لگ بھگ رہی تھی۔ شنگھائی فیوچر ایکسچینج کے تحت تانبے کی مستقبل کی خریداری کے سودے 1.3فیصد کے اضافے کے بعد 5425 ڈالر فی ٹن میں طے پائے ۔ ماہرین کے مطابق چین میں سیزن کی وجہ سے تانبے کی طلب میں اضافہ ہوا ہے جس سے مارکیٹ پر اچھے اثرات مرتب ہوئے ہیں۔

Facebook Twitter Google + Share on Whatsapp

عالمی مارکیٹ میں تانبے کی قیمت میں اضافہ

مزید تجارتی خبریں