آئندہ دو سالوں میں خیبر پختونخوا ایک ترقیافتہ اور پاکستان کا ماڈل صوبہ ہوگا،پرویزخٹک
ملک میں بدعنوانی کے خاتمے کیلئے حقیقی جدوجہد کررہے ہیں، عوام اور دیگر جماعتوں کے پارٹی رہنماء تحریک انصاف میں شمولیت اختیار کررہے ہیں جو تحریک انصاف کی عوام دوست پالیسوں اور صوبے میں تین سالہ کارکردگی کا ثمر ہے،وزیراعلی خیبرپختونخوا
جمعہ 3 جون 2016 21:47
پشاور(اُردو پوائنٹ اخبارتازہ ترین - این این آئی۔03 جون۔2016ء) وزیراعلیٰ خیبرپختونخواپرویز خٹک نے کہا ہے کہ تحریک انصاف واحد جماعت ہے جو ملک میں بدعنوانی کے خاتمے کیلئے حقیقی جدوجہد کررہی ہے یہی وجہ ہے کہ لوگ دیگر سیاسی جماعتوں سے بدظن ہو کر تحریک انصاف پر اعتماد کا اظہار کر رہے ہیں ۔ عوام اور دیگر جماعتوں کے پارٹی رہنماء تحریک انصاف میں شمولیت اختیار کررہے ہیں جو تحریک انصاف کی عوام دوست پالیسوں اور صوبے میں تین سالہ کارکردگی کا ثمر ہے۔
ان خیالات کا اظہار انہوں نے جمعہ کے روز تحصیل جہانگیرہ ضلع نوشہرہ میں شمولیتی تقریب سے خطاب کرتے ہوئے کیا۔ صوبائی وزیر میاں جمشید الدین کا کاخیل ، ایم پی اے ، ادریس خٹک ضلع ناظم لیاقت خٹک کے علاوہ دیگر ضلعی و تحصیل ممبران نے بھی تقریب میں شرکت کی۔(جاری ہے)
اس موقع پر پاکستان پیپلز پارٹی جہانگیرہ کے سابقہ صدر سید فرید الله شاہ اور جمشید خٹک نے اپنے دیگر ساتھیوں سمیت پیپلز پارٹی سے مستعفی ہو کر تحریک انصاف میں شمولیت کا باضابطہ اعلان کیا سید فرید الله شاہ اور جمشید خٹک نے اس موقع پر خطاب کرتے ہوئے کہاکہ انہوں نے وزیراعلیٰ پرویز خٹک کی مخلصانہ قیادت اور صوبے میں تحریک انصاف کی کارکردگی کو دیکھتے ہوئے پیپلز پارٹی کی 48 سالہ رفاقت کو خیر آباد کہہ کر تحریک انصاف میں شمولیت کا فیصلہ کیا۔
وزیراعلیٰ پرویز خٹک نے تحریک انصاف میں شامل ہونے پر سید فرید الله، جمشید خٹک اور دیگر ساتھیوں کا خیرمقد م کیا اور اسے تحریک انصاف کی صوبے میں شاندار کارکردگی کا واضح ثبوت قرار دیا۔ وزیراعلیٰ نے کہاکہ تحریک انصاف واحد جماعت ہے جو ملک میں بدعنوانی کے خاتمے کیلئے حقیقی جدوجہد کررہی ہے یہی وجہ ہے کہ لوگ دیگر سیاسی جماعتوں سے بدظن ہو کر تحریک انصاف پر اعتماد کا اظہار کر رہے ہیں انہوں نے کہاکہ الله تعالیٰ جس قوم کی تقدیر بدلنے کا فیصلہ کر لیتا ہے اسے ایماندار قیادت عطا کر دیتا ہے۔ انہوں نے واضح کیا کہ جو وسائل دُنیا کے پاس ہیں وہ پاکستان کے پاس بھی موجود ہیں مگر مخلصانہ قیادت نہ ہونے کی وجہ سے ملک دن بدن تنزلی کی طرف جارہا ہے۔انہوں نے کہاکہ تحریک انصاف نے ملک میں نظام کی تبدیلی کیلئے جو جدوجہد شرو ع کی ہے اُسے منزل تک پہنچا کر ہی دم لیں گے وزیراعلیٰ نے موجودہ صوبائی حکومت کی تین سالہ کارکردگی کا حوالہ دیتے ہوئے کہاکہ تعلیم، صحت ، پولیس اور دیگر شعبوں میں حکومت کے اصلاحاتی و ترقیاتی اقدامات بہت واضح ہیں اور کو ئی باشعور شخص ان سے انکار نہیں کر سکتا انہوں نے کہاکہ گوناگوں چیلنجز کے باوجود موجودہ حکومت نے عوام کو خدمات کی بہترین فراہمی کیلئے تاریخی اقدامات کئے جن کے ثمرات سے عوام مستفید ہو رہے ہیں پرویز خٹک نے یقین دلایا کہ آئندہ دو سالوں میں خیبر پختونخوا ایک ترقیافتہ اور پاکستان کا ماڈل صوبہ بنانے کے عوام سے کئے گئے وعدے کو عملی جامہ پہنا کر دکھائیں گے۔متعلقہ عنوان :
مزید اہم خبریں
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
ملک کی تعمیر و ترقی میں سٹاک ایکسچینج کی حمایت شامل رہے گی،ڈاکٹر شمشاد اختر
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.