کارپوریٹ سیکٹر پڑھے لکھے معذور افراد کو روزگار کی فراہمی میں اہم کردار ادا کررہا ہے‘ میاں اکرم فرید
جمعہ 3 جون 2016 12:10
راولپنڈی(اُردو پوائنٹ اخبارتازہ ترین - این این آئی۔03 جون۔2016ء)پڑھے لکھے معذور افراد کو معاشرے کا مفیداور قابل فخر شہری بنانے کے لئے باعزت روزگار کے مواقع فراہم کرنا نہایت ضروری ہے ۔ سرکاری محکموں کے ساتھ ساتھ کارپوریٹ سیکٹر بھی اس کارخیر میں اپنا کردار ادا کرکے سی ایس آر کے تحت اپنی ذمہ داریاں بطریق احسن پوری کر سکتا ہے۔ اس امر کا اظہارسکل ڈیویلپمنٹ کونسل و اسلام آباد انڈسٹریل فورم کے چیئرمین میاں محمد اکرم فرید نے مختلف اداروں کے سی ای اوز کے ہمراہ ادارہ روزگارترقی برائے افراد باہم معذوری (LCDDP) کے زیر اہتمام سائٹ سیور اور فیڈریشن آف پاکستان چیمبرز آف کامرس اینڈ انڈسٹری کے تعاون سے منعقدہ جاب فیئر2016 کے موقع پر اسٹالوں کے معائینے کے دوران کیا۔
عباس ہاشمی،پروگرام منیجرایل سی ڈی ڈی پی جلال الدین ، نائلہ شوکت ،شیر کریم ، عبدالروف ، کامران لاشاری بھی ان کے ہمراہ تھے۔(جاری ہے)
میاں اکرم فرید نے کہاکہ سکل ڈیویلپمنٹ کونسل میں معذور افراد کو ایسے علوم و فنون سکھائے جا رہے ہیں جن کے ذریعے وہ مختلف شعبوں میں باآسانی ملازمتیں حاصل کرکے خود کفیل ہو سکتے ہیں۔ انہوں نے کہاکہLCDDP بھی اس مقصد کے لئے عظیم قومی خدمت سر انجام دے رہا ہے اوراس ادارے کے تحت اب تک کثیر تعداد میں معذور افراد کو تربیت فراہم کئے جانے کے بعد برسر روزگار بنایا گیا ہے ۔
انہوں نے کہاکہ ہماری توجہ اور ہمدردی سے معذور افراد کا مستقبل سنور سکتا ہے اور اس نیکی کے کام میں ہمیں تاخیر نہیں کرنی چاہیے۔ سائٹ سیور کی کنٹری منیجر منزہ گیلانی نے کہاکہ نابینا افراد بھی اپنی جسمانی کمزور ی کے باوجود عزم و ہمت کی عظیم مثال بن کر کئی اداروں میں قابل فخر خدمات سر انجام دے رہے ہیں اور حوصلہ افزائی سے مزید نابینا افراد اپنے پاوں پرکھڑے ہو سکتے ہیں۔ اس موقع پر کئی معذور افراد کے والدین نے اپنے تاثرات کا اظہار کرتے ہوئے ملک میں ایسے مزید اداروں کے قیام کی ضرورت پر زور دیا جو جسمانی معذور افراد کی تکالیف کا احساس کرتے ہوئے انہیں تربیت فراہم کرکے حصول روزگار کے قابل بنا سکتے ہیں۔ ایگزیکٹو ڈائریکٹر ایل سی ڈی ڈی پی عمران نذیر نے کہاکہ جاب فیئرز جیسی سرگرمیوں کا مقصد ایک چھت تلے بے روزگار معذور افراد کو ملازمتوں کے حصول کے مواقع فراہم کرنا ہیں اوریہ سلسلہ انتہائی کامیاب رہا ہے اور اب تک بڑی تعداد میں بے روزگار نوجوان ملازمتیں حاصل کر چکے ہیں۔ انہوں نے کہاکہ آئندہ بھی اس نوعیت کی تقریبات منعقد کی جائیں گی۔مزید تجارتی خبریں
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
-
برائلر گوشت کی قیمت میں36روپے کلو کمی
-
سکریپ کے گودام میں آگ لگنے سے لاکھوں کا سامان جل گیا
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.