میئر اور ڈپٹی میئرز کا انتخاب نہ ہونا آئین اور قانون کے ساتھ مذاق ہے ،ڈاکٹر فاروق ستار
کراچی ایشیاکا گندہ ترین شہر بن چکا بلدیاتی نمائندوں کو با اختیار بنایا گیا تو شہر کو صاف ستھرا اور خوبصورت ترین شہر بنا دینگے ضمنی الیکشن نیٹ پریکٹس ہے اصل انتخابات2018میں منعقد ہونگے جس میں سندھ کا وزیر اعلیٰ ایم کیو ایم کا ہوگا،میڈیا سے گفتگو
جمعرات 2 جون 2016 22:57
کراچی (اُردو پوائنٹ اخبارتازہ ترین - این این آئی۔02 جون۔2016ء) متحدہ قومی موومنٹ کی رابطہ کمیٹی سینئر ڈپٹی کنوئینر ڈاکٹر فارق ستار نے کہا ہے کہ بلدیاتی انتخابات کو سات ماہ کا عرصہ گزرچکا ہے لیکن میئر اور ڈپٹی میئر سمیت دیگر منتخب نمائندوں کا انتخاب عمل میں نہیں لایا گیا ،یہ آئین وقانون کے ساتھ مذاق ہے،کراچی ایشیاکا گندہ ترین شہر بن چکا ہے بلدیاتی نمائندوں کو با اختیار بنایا گیا تو شہر کو صاف ستھرا اور خوبصورت ترین شہر بنا دینگے۔
ضمنی الیکشن نیٹ پریکٹس ہے اصل انتخابات2018میں منعقد ہونگے جس میں سندھ کا وزیر اعلیٰ ایم کیو ایم کا ہوگا۔ ان خیالات کا اظہار انھوں نے ضمنی الیکشن کے روز پی ایس 117میں پی آئی بی کالونی کے اسکول میں اپنی اہلیہ کے ہمراہ ووٹ کاسٹ کرنے کے بعد میڈیا سے گفتگو میں کیا۔(جاری ہے)
ڈاکٹر فاروق ستار نے کہا کہ ایم کیو ایم سے پہلے بھی کوئی جماعت مقابلہ نہیں کرسکی اور اب بھی کسی جماعت کا مقابلہ نہیں ہے لیکن جب کوئی دوسری جماعت انتخابی مہم چلاتی ہے تو یہ ظاہر کرنے کی کوشش کی جاتی ہے کہ مقابلہ سخت ہے اور اگر کوئی اور جماعت دلچسپی کا اظہار نہ کرے تو یکطرفہ مقابلے کو ٹرن آوٹ کم ہونا ظاہر کیا جاتا ہے جبکہ ایک طرف ضمنی انتخاب ہیں اور دوسری جانب گرمی بھی پڑ رہی ہے ۔
انھوں نے کہا کہ عوام کو پیشگی مبارکباد دیتا ہوں ،آج کا مقابلہ مکمل طور پر یکطرفہ ہے اس میں سرے سے کوئی مقابلہ ہی نہیں ہوا،یہ در اصل ایک سوچ کے خلاف مقابلہ ہے، عوام پر کسی بھی قیادت کو مسلط نہیں کیا جاسکتا، مصنوعی قیادت لانے کا عمل ترک ہونا چاہیے ۔ فاروق ستار کا کہنا تھا کہ ایم کیو ایم کے پاس ووٹ اور عوامی حمایت دونوں موجود ہے، عید کے بعد ضمنی الیکشن کا سلسلہ بند ہوجائیگا، تقسیم کی باتیں کرنے والے کراچی کے ترقی کے عمل کو روکنا چاہتے ہیں ۔انھوں نے کہا کہ ہمارا مقابلہ مائنس الطاف کی سوچ رکھنے والے عناصر سے ہے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.