ادارے کی تقسیم کسی صورت قبول نہیں ،یہ ہماری بقاء کا مسئلہ ہے ،چوہدری محمد یٰسین
جمعرات 2 جون 2016 16:36
اسلام آباد (اُردو پوائنٹ اخبارتازہ ترین - این این آئی۔02 جون۔2016ء) سی ڈی اے چیئرمین کمپلیکس ،ڈی ایم اے ،فائر بریگیڈ ،سینی ٹیشن ،چڑیا گھر ،انوائرمنٹ ،پارلیمنٹ لاجز ،ریونیو،ڈی جی سروسز ،ایم پی او ،کنونشن سنٹر ،سملی و خانپور ڈیم اور روڈ مینٹی نینس سمیت تمام ڈائریکٹوریٹس میں ملازمین کی ہڑتال تیسرے روز بھی جاری رہی اور احتجاج کی شدت میں مزید تیزی آ گئی ،ملازمین نے ادارے کی بقاء اورمحنت کشوں کی تقسیم کے خلاف سر دھڑ کی بازی لگانے کے عزم کا اظہار کیا ،مزدور یونین کے قائد چوہدری محمد یٰسین نے مختلف مقامات پر اجتماعات سے خطاب کیا ،سی ڈی اے ہیڈ کوارٹر میں مزدور یونین کے جنرل سیکرٹری چوہدری محمد یٰسین ،صدر اورنگزیب خان ،سید امیر شاہ کاظمی ،احمد علی شیرازی نے ملازمین کے اجتماع سے خطاب کرتے ہوئے کہا کہ ادارے کی بقاء ہمارے لیے زندگی اور موت کا مسئلہ ہے ہم کسی صورت بھی محنت کشوں اور ادارے کی تقسیم کے حق میں نہیں ،بلدیات کے منتخب نمائندوں کو سب سے پہلے سی ڈی اے مزدور یونین نے خوش آمدید کہا اور آج بھی ہم انکو عوام کی بہتر خدمت کرنے کے لیے با اختیار دیکھنا چاہتے ہیں اسی لیے ہم نے یہ تجویز دی ہے کہ اسلام آباد کے میئر کو لارڈ میئر بنا کر پورے سی ڈی اے کا سربراہ بنا دیا جائے اور وہ بورڈ کے اختیارات بھی اپنی مرضی کے مطابق استعمال کریں لیکن ادارے کو تقسیم نہ کیا جائے ہم نے مذاکرات سے کبھی انکار نہیں کیا لیکن اب کسی زبانی کلامی یقین دہانی سے کام نہیں چلے گا ،اپنے محنت کشوں کے مقاصد کے حصول تک اپنی جدوجہد جاری رکھیں گے اور 06جون بروز سوموار دن 09:00بجے تمام سی ڈی اے محنت کش آبپارہ چوک میں اپنے بھرپور اتحاد اور قوت کا مظاہرہ کرکے ملک کے جمہوری حکمرانوں کے کانوں تک اپنے تحفظات اور خدشات پہنچائیں گے ،ہم سمجھتے ہیں کہ کچھ عناصر اس شہر میں عدم استحکام پیدا کرنا چاہتے ہیں اور بیوروکریسی سازش کے تحت سسٹم کو ناکام بنانے کے لیے سی ڈی اے کو آدھا تیتر اور آدھا بٹیر بنانا چاہتی ہے ،ہم اپنی تحریک کو کامیاب بنانے کے لیے اپنی کشتیاں جلا کر نکلے ہیں اور جیلیں ،گرفتاریاں اور لاٹھیاں بھی ہماراراستہ نہیں روک سکتیں ،اسلام آباد کی سول سوسائٹی ،صحافی برادری اور دیگر اداروں کی ٹریڈ یونینز نے مزدور یونین کے موقف کی مکمل تائید کی ہے اور چھ جون کو اسلام آباد /راولپنڈی کی ٹریڈ یونین کے نمائندے بھی ہمارے احتجاجی پروگرام میں بھرپور طریقے سے شرکت کریں گے ،میں تمام سی ڈی اے ملازمین کو ان نازک حالات میں بھرپور اتحاد اور یکجہتی کا مظاہرہ کرنے پر مبارکباد پیش کرتا ہوں اور انکا شکریہ ادا کرتا ہوں اور انکو ایک بار پھر یقین دلاتا ہوں کہ میرا اور میری ٹیم سی ڈی اے مزدور یونین کا جینا مرنا سی ڈی اے ملازمین کے ساتھ ہے اور کسی صورت بھی ملازمین کے مفادات کے خلاف کسی بھی قسم کی سودابازی کو قبول نہیں کریں گے ۔
مزید اہم خبریں
-
ترقیاتی منصوبوں میں کرپشن ریفرنس، پرویز الٰہی کے شریک ملزم نے پلی بارگین کرلی
-
ملت ایکسپریس واقعہ، ملوث اہلکار کی گرفتاری کیلئے وزارت داخلہ کو خط لکھ دیا گیا
-
پیپلز پارٹی پنجاب کے ضمنی الیکشن میں (ن) لیگ کے امیدواروں کی مکمل حمایت کریگی‘راجہ پرویز اشرف
-
عدالتوں میں ججز کی خالی آسامیوں پر تقرری ترجیح ہے‘چیف جسٹس قاضی فائزعیسیٰ
-
چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات
-
پاکستان تحریک انصاف کو بلاک کوڈ لیول تک منظم اور متحرک کرنے کے عمل کا آغاز کر دیا گیا
-
یوسف رضا گیلانی سے سردارایاز صادق کی ملاقات ،بہترین عوامی مفاد میں قانون سازی کے حوالے سے گفتگو
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ
-
سردارایازصادق سے برطانوی ہائی کمشنر کی ملاقات ، دوطرفہ تعلقات پر گفتگو
-
بجلی چوروں پر کوئی رحم نہیں ہو گا،اویس لغاری
-
چیئرمین سینٹ سید یوسف رضا گیلانی سے سپیکرقومی اسمبلی سردار ایازصادق کی پارلیمنٹ ہاؤس میں ملاقات،عہدہ سنبھالنے پرمبارکباد دی
-
حکومتی کمیٹیوں میں شامل نہ کیے جانے پر اہم ن لیگی رہنماء ناراض ہوگئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.