امریکی ڈرون سے قیام امن کی کوششوں کو شدید نقصان پہنچا۔سرتاج عزیز
دہشت گردی کیخلاف جنگ میں پاکستان نے فرنٹ لائن کا کردار ادا کیا،خطے میں آ پریشن ضرب عضب سے قیام امن میں بہت بہتری آئی ہے،افغانستان میں امن خطے کے مفاد میں ہے،جنگ مسئلے کا حل نہیں،مذاکرات ہی واحد راستہ ہے۔وزیراعظم کے مشیرامور خارجہ کی امریکی سفیر سے گفتگو۔۔ دہشت گردی کیخلاف جنگ میں پاکستان سے قریبی تعاون جاری رکھیں گے۔امریکی سفیر ڈیوڈ ہیل
سمیرا فقیرحسین جمعرات 2 جون 2016 12:00
اسلام آباد(اُردو پوائنٹ تازہ ترین اخبار۔02 جون 2016ء):وزیراعظم کے مشیربرائے امور خارجہ سرتاج عزیز سے امریکی سفیر ڈیوڈ ہیل نے آج یہاں ملاقات کی، جس میں پاک امریکہ تعلقات سمیت خطے کی مجموعی صورتحال پر تبادلہ خیال کیاگیا،اس موقعہ پر ملاقات میں افغان مفاہمتی عمل سمیت ڈرون حملے کے بعد پیدا ہونیو الی صورتحال پر بھی بات چیت کی گئی۔مشیرخارجہ سرتاج عزیز نے امریکی سفیر سے ڈرون حملے پر شدید تحفظات کا اظہار کرتے ہوئے کہا کہ ایسی کارروائیاں خطے میں قیام امن کیلئے نقصان دہ ہیں ۔
مشیر خارجہ سرتاج عزیز نے کہا کہ دہشت گردی کیخلاف جنگ میں پاکستان نے فرنٹ لائن کا کردار ادا کرتے ہوئے سب سے زیادہ قربانیاں دی ہیں۔آپریشن ضرب عضب سے خطے میں قیام امن میں بہت بہتری آئی ہے ۔(جاری ہے)
دنیا کو پاکستان کی قربانیوں کا اعتراف کرنا چاہیے ۔انہوں نے کہا کہ امریکی ڈرون حملے ہماری سلامتی اور خود مختاری کے خلاف ہیں۔امریکہ کی اس طرح کی کارروائیوں سے خطے میں قیام امن کو شدید جھٹکا لگا ہے۔
سرتاج عزیز نے کہا کہ پاکستان افغانستان میں امن کا خواہش مند ہے۔افغانستان میں امن سے پورے خطے کے مفاد میں ہے،پاکستان نے افغان حکومت اور طالبان کو ایک ہی میز پر لانے کیلئے اہم کردار ادا کیا ہے کیونکہ پاکستان سمجھتا ہے کہ کسی بھی مسئلے کا حل جنگ نہیں صرف اور صرف مذاکرات ہیں تاہم امریکی ڈرون حملے میں طالبان قیادت کی ہلاکت سے مذاکرات اور امن کے قیام کیلئے کی گئی کوششوں کو شدید نقصان پہنچایا گیا ہے تاہم اس کے باوجود پاکستان خطے میں قیام امن کیلئے اپنا کردار ادا کرتا رہے گا۔اس موقع پر امریکی سفیر ڈیوڈ ہیل نے کہا کہ دہشتگردی کیخلاف جنگ میں پاکستان اہم کردار ادا کر رہا ہے۔ دہشتگردی کیخلاف جنگ میں امریکہ پاکستان کے ساتھ اپنا قریبی تعاون جاری رکھے گا۔مزید اہم خبریں
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.