موجودہ حکومت تجارت اور صنعت کے شعبے کو فروغ دینے کیلئے ہر ممکن اقدامات کو یقینی بنارہی ہے‘رفیق رجوانہ
عوام کی فلاح وبہبود اور ترقی کے لئے حکومت اپنے تمام تر وسائل کو یقینی بنارہی ہے‘ گورنر پنجاب کا اجلاس سے خطاب
بدھ 1 جون 2016 20:05
لاہور(اُردو پوائنٹ اخبارتازہ ترین - این این آئی۔یکم جون۔2016ء ) گورنر پنجا ب ملک محمد رفیق رجوانہ نے کہا ہے کہ قومی ترقی کا پہیہ صنعت و تجارت سے جڑا ہوا ہے اور موجودہ حکومت تجارت اور صنعت کے شعبے کو فروغ دینے کے لئے ہر ممکن اقدامات کو یقینی بنارہی ہے،ملکی معیشت کی مضبوطی میں تاجر برادری کا کردارقابل تحسین ہے۔ ان خیالات کا اظہار انہوں نے فیڈریشن آف پاکستان چیمبر آف کامرس اینڈ انڈسٹری کے دورہ کے دوران منعقدہ اجلاس سے خطاب کرتے ہوئے کیا۔
اجلاس میں ایف پی سی سی آئی کے چیئرمین رحمان عزیز چن، معروف صنعت کار افتخار علی ملک اور صوبے کے مختلف شہروں کے چیمبرز سے تعلق رکھنے والے چیئرمن و ممبران موجود تھے۔ گورنر پنجاب نے کہا کہ موجودہ حکومت اپنا کام عبادت سمجھ کر سرانجام دے رہی ہے۔(جاری ہے)
انہوں نے کہا کہ عوام کی فلاح وبہبود اور ترقی کے لئے حکومت اپنے تمام تر وسائل کو یقینی بنارہی ہے۔
انہوں نے کہا کہ بلاشبہ ہمیں توانائی کے بحران سمیت مختلف مسائل کا سامنا ہے لیکن موجودہ حکومت کی مدبرانہ پالیسیوں کی بدولت ملکی معیشت میں نہ صرف استحکام آرہا ہے بلکہ بیرونی سرمایہ کاری میں بھی اضافہ ہورہا ہے۔ گورنر نے کہا کہ یہ ایک حقیقت ہے کہ ہماری تاجر برادی نامساعد حالات کے باوجود معیشت کا پہیہ رواں رکھے ہوئے ہے۔ انہوں نے کہا کہ آنے والے بجٹ میں بہت سی آسانیا ں پیدا کی جارہی ہیں۔ گورنر پنجاب نے سی پیک کا حوالہ دیتے ہوئے کہا کہ اس کی تکمیل سے خطے میں ایک نئی ترقی کا آغاز ہوگا جس سے نہ صرف ملکی سطح پر ترقی دیکھنے میں آئے گی بلکہ اس سے کئی بین الاقوامی ممالک بھی استفادہ حاصل کرسکیں گے۔ اس موقع پر ایف پی سی سی آئی کے چیئرمین رحمان عزیز چن ، معروف صنعت کار افتخار علی ملک نے بھی اجلاس سے خطاب کیا اور انہیں درپیش مختلف مسائل کے بارے میں گورنر پنجاب کو بریفنگ دی۔ گورنر پنجاب نے یقین دلایا کہ موجودہ حکومت تاجر برادی کے مسائل کو حل کرنے کے لئے ہر ممکن اقدامات کو یقینی بنائے گی۔مزید قومی خبریں
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
-
واپڈا نے منگلا بحالی اور اپ گریڈیشن منصوبے کے ایک اور پیکیج کے لئے کنٹریکٹ ایوارڈ کردیا
-
ریلویز میں جدید ٹیکنالوجی پر مبنی فیول مینیجمنٹ سسٹم کا آغاز ہو گیا
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
-
وزیر دفاع و دفاعی پیداوار سے ترکیہ کے چیف آف جنرل سٹاف جنرل کی ملاقات
-
وزیراعلیٰ سندھ نےآئی جی سے مانسہرہ کالونی میں دھماکے کی تفصیلی رپورٹ طلب کر لی
-
چیئرمین سینیٹ کی کراچی کے علاقے لانڈھی میں گاڑی پر ہونے والے خودکش دھماکے کی مذمت
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.