پی او ایف میں ملازمین کی فلاح و بہبود کیلئے بے شمار سکیمیں جاری ہیں، ان میں ایک منفرد سکیم طلبا و طالبات کو ان کے تعلیمی کیئریئر میں نمایاں کارکردگی دکھانے پر وظائف کی تقسیم ہے،اس کا بنیادی مقصد ان ہونہار طلبا و طالبات کی حوصلہ افزائی ہے پی او ایف ملازمین کے بچے اور بچیوں جنہوں نے تعلیمی سال2014-2015میں نمایاں پوزیشن حاصل کیں وظائف کی پی پی او ایف کے چیئر مین لیفٹیننٹ جنرل عمر محمود حیات کا تقریب تقسیم وظائف سے خطاب
بدھ 1 جون 2016 18:28
واہ کینٹ(اُردو پوائنٹ اخبارتازہ ترین - آئی این پی۔یکم جون۔2016ء) پاکستان آرڈیننس فیکٹری (پی او ایف)کے چیئر مین لیفٹیننٹ جنرل عمر محمود حیات، ہلال امتیاز (ملٹری) نے کہا ہے کہ پی او ایف ملک کا واحد ادارہ ہے جہاں ملازمین کی فلاح و بہبود کے لیے بے شمار سکیمیں جاری ہیں جن میں ایک منفرد سکیم طلبا و طالبات کو ان کے تعلیمی کیئریئر میں نمایاں کارکردگی دکھانے پر وظائف کی تقسیم ہے جس کا بنیادی مقصد ان ہونہار طلبا و طالبات کی حوصلہ افزائی ہے تاکہ مستقبل میں وہ مزید محنت سے اپنا تعلیمی سفر جاری رکھتے ہوئے ملک و قوم کی خدمت کر سکیں۔
وہ بدھ کو پی او ایف ملازمین کے بچے اور بچیوں جنہوں نے تعلیمی سال2014-2015میں نمایاں پوزیشن حاصل کیں وظائف کی تقسیم کی تقریب سے خطاب کر رہے تھے۔(جاری ہے)
چیئرمین پی او ایف بورڈ نے کہا کہ طلبا و طالبات کی حوصلہ افزائی کرنا ہم سب کی مشترکہ اور اولین ذمہ داری ہے کیونکہ نئی نسل نے ہی آگے چل کر اس ملک کا نظم و نسق سنبھالنا ہے ہم جتنے اچھے طریقے سے ان کی رہنمائی اور تعلیم و تربیت پر توجہ دیں گے اس کے نتائج یقینا بہت مثبت اور اچھے ہوں گے۔
چیئرمین پی او ایف بورڈ نے اعلیٰ کارکردگی کا مظاہرہ کرنے والے طلبا و طالبات کے ساتھ ساتھ ان کے والدین اور اساتذہ کو بھی مبارکباد دی اور ان پر زور دیا کہ وہ بچوں کو تعلیم کی جانب زیادہ سے زیادہ راغب کریں تاکہ ملک و قوم کے لیے ایک تعلیم یافتہ نسل تیار کی جا سکے۔ اس موقع پر ڈائریکٹر ایڈمن بریگیڈیئر ذکی رحمان میر نے سپاسنامہ پیش کرتے ہوئے بتایا کہ پی او ایف انتظامیہ کی جانب سے 11مختلف سکیموں کے تحت نمایاں پوزیشن حاصل کرنے والے پی او ایف کے حاضر سروس ملازمین کے بچے ؍بچیاں، پی او ایف کے ملحقہ اداروں کے بچے ؍بچیاں، ریٹائرڈ پی او ایف ملازمین کے بچے؍ بچیاں، میڈیکل وانجینئرنگ میں تعلیم حاصل کرنے والے پی او ایف ملازمین کے بچے؍ بچیاں اور تین سالہ ڈپلومہ کی تعلیم حاصل کرنے والے 350طلبا و طالبات میں43لاکھ 17ہزار روپے مالیت کے وظائف تقسیم کیے گئے ہیں۔ چیئرمین پی او ایف بور ڈنے شعبہ ویلفیئر کے منتظمین کو تقریب کے عمدہ انعقاد پر مبارکباد دی۔ بعد میں چیئرمین طلبا و طالبات اور ان کے والدین میں گھل مل گئے اور زندگی کے مختلف شعبوں میں بہتری کے حوالے سے ان کی جانب سے دی جانے والی مثبت تجاویز پر ان کی حوصلہ افزائی کی۔متعلقہ عنوان :
مزید قومی خبریں
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
-
وزیر دفاع و دفاعی پیداوار سے ترکیہ کے چیف آف جنرل سٹاف جنرل کی ملاقات
-
وزیراعلیٰ سندھ نےآئی جی سے مانسہرہ کالونی میں دھماکے کی تفصیلی رپورٹ طلب کر لی
-
چیئرمین سینیٹ کی کراچی کے علاقے لانڈھی میں گاڑی پر ہونے والے خودکش دھماکے کی مذمت
-
بلو چستان میں بہتر طرز حکومت اور شہر یوں کو ریلیف پہنچانا ہماری اولین تر جیح ہے، میرسرفراز بگٹی
-
سپیکر قومی اسمبلی جمشید احمد دستی اور محمد اقبال خان کو صدارتی خطاب کے موقع پر نامناسب برتائو اختیار کرنے پر معطل کر دیا
-
پٹرولیم مصنوعات کی قیمتوں میں حالیہ اضافہ عالمی مارکیٹ میں قیمتوں کو مدنظر رکھ کر کیا گیا ہے، وفاقی وزیر قانون و پارلیمانی امور
-
رشتے سے انکار پر لڑکے نے چھریاں مارکر لڑکی کو زخمی کردیا
-
صدارتی خطاب پر بحث کیلئے تحریک رواں سیشن کے ایجنڈے پر لائی جائے گی ، مشترکہ اجلاس سے صدارتی خطاب کے موقع پر اپوزیشن کا رویہ افسوسناک ہے،اعظم نذیر تارڑ
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.