بھارت میں انتہا پسندی کرکٹ میں بھی عروج پر ’نو بال‘ دینے پر امپائر کی بہن قتل
کرکٹ میچ میں ایک غلط فیصلے کا اتنا دردناک انجام ہوسکتا ہے یہ کسی نے نہیں سوچا ہوگا
منگل 31 مئی 2016 14:45
علی گڑھ(اُردو پوائنٹ اخبارتازہ ترین - آن لائن۔31 مئی۔2016ء) ہندوستان کی ایک ارب 25 کروڑ سے زائد کی آبادی میں مختلف تنازعات اور دشمنیوں کے باعث قتل کے واقعات تو پیش آتے رہتے ہیں، لیکن کرکٹ میچ میں ایک غلط فیصلے کا اتنا دردناک انجام ہوسکتا ہے یہ کسی نے نہیں سوچا ہوگا۔ بھارتی میڈیا کے مطابق ریاست اتر پردیش کے شہر علی گڑھ سے تقریباً 20 کلو میٹر دور واقع قصبے جرارا میں، جرارا پریمئر لیگ (جے پی ایل) کا انعقاد کیا گیا جس میں کئی قریبی قصبوں کی ٹیموں نے حصہ لیا اور فائنل جیتنے والی ٹیم کو 5 ہزار ایک سو روپے بطور انعام دیئے جانے تھے۔
کرکٹ ٹیموں کے غربت کے مارے ان کھلاڑیوں میں جیت کا جنون تھا جبکہ ہر کھلاڑی اپنی ٹیم کو کامیاب کروانے اور انعام کے حصول کی ہر ممکن کوشش کر رہا تھا کہ ایک میچ کے دوران امپائر راج کمار نے، جرارا اور باریکی کے درمیان مقابلے کے اہم موقع پر ایک گیند کو ’نو بال‘ قرار دے دیا۔(جاری ہے)
امپائر کے مبینہ ’غیر منصفانہ‘ فیصلے پر فیلڈنگ ٹیم کے ایک کھلاڑی سندیپ پال نے امپائر سے احتجاج کیا اور اس سے یہ فیصلہ واپس لینے کا مطالبہ کیا لیکن جب راج کمار نے اپنا فیصلہ واپس لینے سے انکار کیا تو سندیپ نے اسے دھمکی دیتے ہوئے کہا کہ اب اسے اپنے اہل خانہ کے ایک فرد کو کھونا ہوگا، تاہم راج کمار نے سندیپ کی دھمکی کو سنجیدہ نہیں لیا۔
احتجاج کرنے والا کھلاڑی سندیپ امپائر پال راج کمار کے خاندان کو ذاتی طور پر بھی جانتا تھا۔میچ کے اگلے دن سندیپ پال نے راج کمار کی 15 سالہ بہن پوجا کو اس کی 3 سہیلیوں کے ہمراہ کھیت جاتے ہوئے روکا اور انہیں کولڈ ڈرنک پینے کی پیشکش کی۔سندیپ پال ان لڑکیوں کو دی جانے والی کولڈ ڈرنک میں پہلے ہی زہر ملا چکا تھا۔راج کمار کی بہن پوجا اور دیگر لڑکیاں سندیپ کو پہلے سے ہی جانتی تھیں اس لیے انہوں نے بھی کولڈ ڈرنک پینے سے انکار نہیں کیا۔زہریلا مشروب پینے کے نتیجے میں پوجا موقع پر ہی ہلاک ہو گئی جبکہ دیگر تینوں لڑکیوں کو تشویشناک حالت میں ہسپتال منتقل کیا گیا۔واقعے پر افسوس کا اظہار کرتے ہوئے جرارا قصبے کے پردھان (سربراہ) رتن پال راول کا کہنا تھا کہ انہوں نے پہلے دن سے پریمئر لیگ کے انعقاد کی مخالفت کی تھی، کیونکہ علاقے کے لوگ تشدد پسند اور اسپورٹس مین اسپرٹ سے عاری ہیں اور جذبات میں آکر کچھ بھی کرسکتے ہیں۔متعلقہ عنوان :
مزید کھیلوں کی خبریں
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.