سجاول،پاکستان پیپلز پارٹی کی تمام پالیسیوں پر ایک ہی پیج پر ہیں،مولا بخش چانڈیو
پاکستان پیپلزپارٹی ملک میں جمہوریت کی حامی ہے اور پیپلز پارٹی نے جمہوریت کی بالادستی کیلئے بہت بڑی قربانیاں دی ہیں،صوبائی مشیر اطلاعات
جمعہ 27 مئی 2016 23:08
سجاول(اُردو پوائنٹ اخبارتازہ ترین - این این آئی۔27 مئی۔2016ء) وزیر اعلی سندھ کے مشیر برائے اطلاعات مولا بخش چانڈیو نے کہا ہے کہ پی پی پی چیئرمین بلاول بھٹو زرداری اور کو چیئرمین آصف علی زرداری پاکستان پیپلز پارٹی کی تمام پالیسیوں پر ایک ہی پیج پر ہیں اور بلاول بھٹو زرداری اور آصف علی زرداری کی پالیسیوں میں کوئی فرق نہیں۔ انہوں نے کہا پاکستان پیپلزپارٹی ملک میں جمہوریت کی حامی ہے اور پیپلز پارٹی نے جمہوریت کی بالادستی کیلئے بہت بڑی قربانیاں دی ہیں اور ہم جمہوریت کو پٹڑی سے اترنے نہیں دیں گے۔
انہوں نے کہا کہ وزیر اعظم نواز شریف کو پاناما لیکس سمیت دیگر معاملات پر اپوزیشن اور پارلیامینٹ کو اعتماد میں لینا چاہیے ورنہ پاناما لیکس کا معاملہ میاں صاحب کو نہیں چھوڑے گا۔(جاری ہے)
انہوں نے کہا کہ میاں صاحب اگر اپوزیشن کو اعتماد میں نہیں لیں گے اور اپوزیشن جماعتوں کو سڑکوں پر آنے پر مجبور کریں گے تو انہیں بہت بڑا نقصان ہوگا۔ انہوں نے کہا کہ میرپور بٹھورو میں پ پ رہنما مرحوم ڈاکٹر شمس شورو اور ان کے بھائی شہزاد شورو کا قتل پاکستان پیپلز پارٹی کی اعلی قیادت اور ان کیلئے بہت بڑا صدمہ ہے اس سے پارٹی کا نقصان ہوا ہے۔
انہوں نے مزید کہا کہ اس سلسلے میں پولس تحیقات کر رہی ہے اور وہ اس ضمن میں آئی جی سندھ سے بات کریں گے تاکہ مرحوم ڈاکٹر شمس شورو اور ان کے بھائی کے قتل میں ملوث افراد کو کیفر کردار تک پہچایا جا سکے۔ ان باتوں کا اظہار آج انہوں نے ضلع سجاول کی تحصیل میرپور بٹھورو میں پی پی پی رہنما مرحوم ڈاکٹر شمس شورو کے آبائی گاں سلیمان شورو میں ان کے لواحقین سے تعزیت کے بعد میڈیا کے نمائندوں سے بات چیت کرتے ہوئے کیا۔ اس موقع پر انہوں نے مرحومین کے بھائی سجاد شورو و دیگر ورثا سے تعزیت کے بعد انہیں پی پی پی چیئرمین بلاول بھٹو زرداری کی جانب سے تعزیت نامے بھی پیش کئے۔ میڈیا سے باتیں کرتے ہوئے مشیر اطلاعات مولا بخش چانڈیو نے کہا کہ مرحوم ڈاکٹر شمس شورو ان کے بہت پیارے دوست محبتی اور بہادر انصان تھے ان کے قتل پہ انہیں گہرا دکھ اور رنج ہوا ہے اور دعا کی کہ اﷲ تعالی مرحومین کو جنت الفردوشس میں بلند درجات عطا کرے اور لواحقین کو صبر و جمیل عطا فرمائے۔ انہوں نے مزید کہا کہ آئی جی سندھ ایک سمجھدار اور بہادر پولیس افسر ہیں اور انہیں آئی جی سندھ پر بھروسہ ہے کہ وہ مرحوم ڈاکٹر شمس شورو اور ان کے بھائی کے قتل کی تحقیقات میں انصاف کریں گے اور ملوث افراد کو سزا دلائیں گے۔ وزیر اعظم کے دورہ لندن کے حوالے سے ایک سوال کے جواب میں انہوں ں ے کہا کہ لوگ مشکلات میں وہیں جاتے ہیں جہاں ان کی مشکلاتوں میں آسانی آتی ہے اور جب بھی میاں صاحب بہرانوں کا شکار ہوئے ہیں انہوں نے پاکستان پیپلز پارٹی سے مدد طلب کی ہے۔ انہوں نے مزید کہا کہ میاں صاحب تو انتخابات میں بھی حصہ ہی نہیں لے رہے تھے اور جلاوطنی کے دور میں ملک میں آنے کیلئے بھی تیار ہی نہیں تھے مگر کو چیئرمین آصف علی زرداری نے انہیں انتخابات میں حصہ لینے کیلئے راضی کیا اور انہیں ملک میں لیکر آئے۔ انہوں نے کہا کہ اس ملک کو بحرانوں سے نکنا چاہیے مگر پاناما لیکس کا معاملہ بھی حل ہونا چاہیے۔ انہوں نے کہا کہ ہم نظریاتی طور پر کسی بھی پارٹی کے دشمن نہیں ہیں مگر جو پارٹیوں کے رہنماں کے فیصلے ہیں یا پالیسیاں ہیں ہم ان پر تبصرے کرتے ہیں جوکہ ہمارہ بنیادی حق ہے۔ انہوں نے مزید کہا کہ جمہوریت کے قیام کیلئے تمام سیاسی پارٹیوں کا اتحاد ضروری ہے۔ پی پی پی کی تنظیم نو کے حوالے سے ایک سوال کے جواب میں انہوں نے بتایا کہ پی پی پی چیئرمین بلاول بھٹو زرداری کا حکم ہے کہ تین ماہ کے اندر تنظیم سازی کے حوالے سے کوآرڈینیشن کمیٹی اپنے تمام تجاویز، فیصلے اور رپورٹس انہیں جمع کروائیں حتمی فیصلہ وہی دیں گے۔ انہوں نے کہا کہ پی پی پی کی تنظیم نو میں ہزاروں لوگوں نے حصہ لیا اور یہ پی پی پی چیئرمین بلاول بھٹو زرداری کا بہت بڑا اور سخت فیصلا تھا جس پر انہیں کامیابی ملی ہے انہیں مبارکباد پیش کرتے ہیں اور وہ ایک غیر معمولی سیاسی شخصیت ہیں اور غیر معمولی سیاستدان ہی ایسے بڑے فیصلے کرتے ہیں۔ انہوں نے کہا کہ سندھ میں بجلی کا مصنوعی بحران پیدا کیا جا رہا ہے وفاقی حکومت کو اس ضمن میں وفاقی وزیر پانی و بجلی کو بات کرنی چاہیے تاکہ سندھ والوں کی محرومیاں ختم ہوں۔متعلقہ عنوان :
مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.