انتخابی اصلاحات کے بغیر شفا ف الیکشن ممکن نہیں، نواب زادہ محسن

ناقص انتخابی سسٹم کی وجہ سے الیکشن میں دھاندلی ہوتی ہے،احمد رضا قصوری

جمعرات 26 مئی 2016 21:38

اسلام آباد(اُردو پوائنٹ اخبارتازہ ترین - آئی این پی۔26 مئی۔2016ء) ڈیولوشن ٹرسٹ فار کمیونٹی ایمپاور منٹ ڈی ٹی سی ای اور ڈرج گروپ کے زیر اہتمام گذشتہ روز ضلعی کنونشن کا اہتمام کیا گیا جس میں اے این پی ولی گروپ کے رہنماء نواب زادہ محسن علی خان، بیرسٹر احمد رضا قصوری، چیئرمین یو سی کھنہ ڈاک ملک وسیم ثناء، ملک عظمت علی خان، رہنما پیپلز پارٹی پیر سید چراغ الدین شاہ، خواجہ خلیل احمد اور دیگر نے شرکت کی۔

(جاری ہے)

اے این پی ولی کے رہنما اور سابق صوبائی وزیر نواب زادہ محسن علی خان نے کہا کہ ڈی ٹی سی ای کی انتخابی اصلاحات کے حوالہ سے کوشش قابل تحسین ہے ۔عوام میں جب تک انتخابات کے حوالہ سے شعور پیدا نہیں ہو گا ملک میں تبدیلی نہیں آ سکتی۔ تقریب سے احمد رضا قصوری نے کہا کہ ناقص انتخابی سسٹم کی وجہ سے الیکشن میں دھاندلی ہوتی ہے۔ جب تک شفاف انتخابی عمل کی بنیاد نہیں رکھی جاتی اس وقت تک شفاف انتخابات کا عمل نا ممکن ہے تقریب سے احمد عبداﷲ، پیر سید چراغ الدین شاہ، ملک عظمت علی خان اور خواجہ خلیل احمد اور دیگر نے بھی خطاب کیا اور فافن کی سفارشات سے اتفاق کیا۔