پاکستان نے دفاعی پیداوار کے شعبہ میں شاندار پیش رفت کی ہے، کئی ممالک پاکستان کے سپر مشاق اور جے ایف 17 تھنڈر طیارے خرید رہے ہیں ، یہ اعلی ترین بین الاقوامی معیارات کے حامل ہیں، پاکستان اور مالدیپ کے درمیان دوطرفہ خوشگوار تعلقات ہیں اور مالدیپ کو تمام شعبہ جات میں پاکستان کی مسلسل حمایت حاصل ہے
صدر ممنون حسین مالدیپ کے وزیر دفاع و قومی سلامتی آدم شریف عمر سے ملاقات میں گفتگو
جمعرات 26 مئی 2016 21:38
اسلام آباد(اُردو پوائنٹ اخبارتازہ ترین - آئی این پی۔26 مئی۔2016ء) صدر مملکت ممنون حسین نے کہا ہے کہ پاکستان نے دفاعی پیداوار کے شعبہ میں شاندار پیش رفت کی ہے، کئی ممالک پاکستان کے سپر مشاق اور جے ایف 17 تھنڈر طیارے خرید رہے ہیں جو اعلی ترین بین الاقوامی معیارات کے حامل ہیں، پاکستان اور مالدیپ کے درمیان دوطرفہ خوشگوار تعلقات ہیں اور مالدیپ کو تمام شعبہ جات میں پاکستان کی مسلسل حمایت حاصل ہے، امید ہے دونوں ممالک کے درمیان باہمی تعلقات مستقبل میں مزید مستحکم ہوں گے۔
صدر ممنون حسین نے دفاع کے شعبہ میں دوطرفہ قریبی تعاون پر اطمینان کا اظہار کرتے ہوئے کہا کہ پاکستان مالدیپ کے اہلکاروں کو تربیتی سہولیات فراہم کر رہا ہے ۔ وہ جمعرات کو مالدیپ کے وزیر برائے دفاع و قومی سلامتی آدم شریف عمر سے گفتگو کر رہے تھے جنہوں نے یہاں ایوان صدر میں ان سے ملاقات کی ۔(جاری ہے)
اس موقع پر پاکستان میں مالدیپ کے ہائی کمشنر احمد سلیم بھی موجود تھے۔
صدر ممنون حسین نے کہا کہ دونوں ممالک کے درمیان دیرینہ دوستانہ تعلقات ہیں۔ انہوں نے اس امر پر اطمینان کا اظہار کیا کہ دونوں ممالک نے ہمیشہ تمام ایشوز پر بین الاقوامی فورموں پر ایک دوسرے کی حمایت کی ہے۔ انہوں نے امید ظاہر کی کہ دونوں ممالک کے درمیان باہمی تعلقات مستقبل میں مزید مستحکم ہوں گے۔ صدر ممنون حسین نے دفاع کے شعبہ میں دوطرفہ قریبی تعاون پر اطمینان کا اظہار کرتے ہوئے کہا کہ پاکستان مالدیپ کے اہلکاروں کو تربیتی سہولیات فراہم کر رہا ہے۔ انہوں نے کہا کہ پاکستان نے دفاعی پیداوار کے شعبہ میں شاندار پیش رفت کی ہے، کئی ممالک پاکستان کے سپر مشاق اور جے ایف 17 تھنڈر طیارے خرید رہے ہیں جو اعلی ترین بین الاقوامی معیارات کے حامل ہیں۔ مالدیپ کے دفاع اور قومی سلامتی کے وزیر آدم شریف عمر نے مسلسل کثیر الجہتی معاونت فراہم کرنے پر پاکستان کا شکریہ ادا کرتے ہوئے کہا کہ دونوں مسلم برادر ممالک کے درمیان گذشتہ 50 سال سے خوشگوار تعلقات ہیں۔ وزیر دفاع نے اس امر کو سراہا کہ پاکستان نے ہمیشہ غیر مشروط مدد کی ہے انہوں نے بالخصوص ملک کے مشکل حالات کے دوران پاکستان کی طرف سے فراہم کی جانے والی معاونت کا ذکر کیا۔ آدم شریف عمر نے کہا کہ وہ پاکستان آرڈننس فیکٹری کی معیاری دفاعی مصنوعات سے بہت متاثر ہیں جو ترقی یافتہ ممالک کے ہم پلہ ہیں۔ انہوں نے کہا کہ وہ پاکستان کو اپنا گھر تصور کرتے ہیں اور بالخصوص پاکستان کے عوام کے دوستانہ اور محبت کے رویہ کے متاثر ہیں۔ انہوں نے دہشت گردی کے خلاف جنگ میں پاکستان کی کامیابیوں کو سراہتے ہوئے کہا کہ ان کا ملک اس ضمن میں پاکستان کی مہارت اور تجربہ سے استفادہ کا خواہاں ہے۔صدر ممنون حسین نے مالدیپ کے صدر اور عوام کیلئے نیک خواہشات کا بھی اظہار کیا۔متعلقہ عنوان :
مزید اہم خبریں
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.