قوم پرستوں نے میرٹ کی دھجیاں ، کرپشن کی نئی تاریخ رقم کی،حافظ قدرت اﷲ لہڑی
تازہ ترین : 1

قوم پرستوں نے میرٹ کی دھجیاں ، کرپشن کی نئی تاریخ رقم کی،حافظ قدرت اﷲ لہڑی

کرپشن کے خلاف بڑے بڑے دعوے کرنے والی حکومت میں شامل قوم پرست پارٹیاں عوام کے سامنے بے نقاب ہوگئے ، رہنما جے یو آئی

کوئٹہ ( اُردو پوائنٹ اخبارتازہ ترین۔26 مئی۔2016ء ) جمعیت علماء اسلام ضلع کوئٹہ کے نائب امیرحافظ قدرت اﷲ لہڑی،مولاناحبیب اﷲ مینگل،مولانامحمودالحسن محمدحسنی،سرداراحمدخان شاہوانی ،میرحشمت جان لہڑی اورمولاناضیاء الرحمن فاروقی نے کہاہے کہ قوم پرستوں نے میرٹ کی دھجیاں اڑائیں اورکرپشن کی نئی تاریخ رقم کی،کرپشن کے خلاف بڑے بڑے دعوے کرنے والی حکومت میں شامل قوم پرست پارٹیاں عوام کے سامنے بے نقاب ہوگئے اوراقتدارمیں ہوتے ہوئے جیل پہنچ گئے،لوگ غربت سے خودکشی پرمجبورہیں جبکہ قوم پرستوں کی حکومت میں الماریوں اورٹینکی سے اربوں ڈالراورروپے برآمدہورہے ہیں جوقوم پرستوں کی کرپشن کی زندہ مثال ہے انہوں نے کہاکہ جمعیت 1970سے اقتدارمیں آرہی ہے لیکن آج تک کسی ایک رہنماپربھی کرپشن ثابت نہیں ہواہے حالانکہ جمعیت کے کئی اہم رہنمابڑے اوراہم سرکاری عہدوں پرفائزرہے ہیں اس کے باجودجمعیت کے رہنماؤں کے دامن کرپشن کے داغ سے پاک ہیں انہوں نے کہاکہ قوم پرستوں نے ڈھائی سال دورحکومت میں کرپشن کاسابقہ تمام ریکارڈتوڑدیاپانچ سال حکومت مکمل کرنے کے بعدان کے نام قوم پرست کے بجائے کرپشن پرست رکھے جائیں گے انہوں نے کہاکہ جمعیت کامطالبہ ہے کہ 1988سے لیکراب تک بشمول جمعیت تمام وزراء کی شفاف تحقیقات کی جائیں اورکرپشن زدہ اورکرپٹ وزراء کوعوام کے سامنے نقاب کیاجائے تاکہ الزام اورحقیقت معلوم ہوسکے اورعوام کے سامنے دودھ کادودھ اورپانی کاپانی واضح ہو۔

مزید متعلقہ خبریں پڑھئیے‎ :

وقت اشاعت : 26/05/2016 - 21:31:56

اس خبر پر آپ کی رائے‎

متعلقہ عنوان :