کوئٹہ میں سڑک کے کنارے نصب دھماکہ خیز مواد پھٹنے سے ایک پولیس اہلکار شہید

منگل 24 مئی 2016 22:21

کوئٹہ میں سڑک کے کنارے نصب دھماکہ خیز مواد پھٹنے سے ایک پولیس اہلکار ..

کوئٹہ(اُردو پوائنٹ اخبارتازہ ترین - این این آئی۔24 مئی۔2016ء) کوئٹہ میں پولیس موبائل کے قریب دھماکہ خیز مواد پھٹنے سے ایک پولیس اہلکار شہید جبکہ پولیس اہلکاروں سمیت6افرادزخمی ہوگئے۔

(جاری ہے)

تفصیلات کے مطابق منگل کی رات کوئٹہ کے علاقے اسپنی روڈ پر نامعلوم افراد نے سڑک کے کنارے نصب دھماکہ خیز مواد سے پولیس کی موبائل گاڑی کو نشانہ بنایا جس کے نتیجے میں ایک اہلکار کانسٹیبل عبداﷲ جاں بحق جبکہ 5پولیس اہلکاروں شاہد،وقار،ارشد ،حنیف ،وقاص اور ایک راہ گیر نقیب اﷲ شدیدزخمی ہوگئے۔

دھماکے کی اطلاع ملتے ہی پولیس اور فرنٹیر کور کی بھاری نفری موقع پر پہنچ گئی اور پورے علاقے کو گھیرے میں لیکر نعش اورزخمیوں کو سول ہسپتال پہنچادیا جہاں ابتدائی طبی امداد کے بعد 2شدیدزخمیوں کو کمبائنڈ ملٹری ہسپتال منتقل کردیا گیا۔ دھماکے سے پولیس کی گاڑی مکمل طور پر تباہ ہوگئی جبکہ اردگرد کی عمارتوں کی کھڑکیوں کے شیشے ٹوٹ گئے ۔پولیس نے نامعلوم افراد کے خلاف مقدمہ درج کرکے مزیدکارروائی شروع کردی۔

متعلقہ عنوان :