پاکستان کے ساتھ امریکاکی دوغلی پالیسی قابل مذمت ہے، بشارت مرزا
منگل 24 مئی 2016 20:11
کراچی ( اُردو پوائنٹ اخبارتازہ ترین - آئی این پی۔24 مئی۔2016ء ) پاکستان کے ساتھ امریکاکی دوغلی پالیسی قابل مذمت ہے، ایک طرف امریکامذاکرات کی بات کرتا ہے اور چارفریقی کانفرنس بلاتاہے دوسری طرف اگلے ہی روز پاکستان کو اعتماد میں لئے بغیر ڈرون حملہ کرکے پاکستان کی خودمختاری اور سالمیت کو نقصان پہنچاتاہے،اور یہ تمام کارروائیاں وہ صرف پاکستان کے ساتھ کررہاہے ،حالانکہ دہشتگردی کے خلاف پاکستان کے علاوہ کسی ملک نے اتنی قربانیاں نہیں دیں،امریکاکی خودساختہ جنگ میں پاکستان نے پچپن ہزارسے زائد جانوں کا نذرانہ پیش کیااس کے باوجود امریکانے ہٹ دھرمی اور ڈھٹائی کی بدترین مثال قائم کرتے ہوئے پاکستان کے مفادات پر ہمیشہ کاری ضرب لگائی ہے۔
یہ باتیں پاکستان ڈیموکریٹک پارٹی کے مرکزی صدر بشارت مرزانے اپنے دفتر مرزاہاؤس میں منعقدہ ہنگامی اجلاس سے خطاب کرتے ہوئے کہیں۔(جاری ہے)
انہوں نے پاکستانی حدود میں حالیہ امریکی ڈرون حملے کی شدید الفاظ میں مذمت کرتے ہوئے تمام محب وطن اور جمہوری جماعتوں سے اپیل کی کہ ملکی حدود میں ڈرون حملوں کے خلاف پر بھرپور آواز اٹھائی جائے ۔انہوں نے کہاکہ ڈرون حملے پاکستان کی خو د مختاری اور عالمی قوانین کی سنگین خلا ف ورزی ہیں،امریکابھارتی ایماء پر پاکستان کی خودمختاری اور سلامتی سے کھیل رہاہے۔
انہوں نے کہا کہ پاکستان امریکاکی کالونی نہیں بلکہ ایک آزاد وخود مختار ریاست ہے اور امریکانے پاکستان میں ڈرون حملوں کے حوالے سے معاہدے کئے ہوئے ہیں لیکن ریڈزون قراردیئے گئے بلوچستان کے علاقے میں ڈرون حملہ کرکے اشتعال انگیزی کی ہے، جس پر پاکستانی قوم کو شدید تحفظات ہیں، امریکہ کو ہماری خود مختاری کا احترام کرنا ہو گااور عالمی معاہدوں کی پاسداری کرتے ہوئے دنیاکے دیگر ممالک کی طرح پاکستان کے ساتھ عالمی اصولوں کے مطابق برابری کی بنیادپر تعلقات استوارکرناہوں گے۔اجلاس سے مرکزی رہنماارشدمرزا، غلام صابر ،عبدالحمید مغل، ڈاکٹرایس ایم حسین، عبدالحکیم، عبدالمجید قریشی، ڈاکٹر سعید قریشی، ارتضیٰ بیگ، عدنان مرزا، سلیم نیازی، کاظم حسین، محمدمحسن ودیگر بھی شریک تھے۔متعلقہ عنوان :
مزید قومی خبریں
-
انتظامیہ اور پی پی کے سرکاری ملازمین عدالتوں کو مس گائیڈ کررہے ہیں،حلیم عادل شیخ
-
صوبائی وزیر صحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ آ گئی
-
کراچی، لانڈھی خود کش حملہ، 2 ویڈیوز منظرِ عام پر آ گئیں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.