فوج کے مطالبے کی باتیں کرنے والوں کو سیاستدان کہلانے کا کوئی حق نہیں،نثار احمد کھوڑو
گرینڈ ڈیموکریٹک الائنس بیروزگار سیاستدانوں اور غیر جمہوری لوگوں کا ٹولہ ہے،سینئروزیر تعلیم سندھ اگر سندھ میں غیر اعلانیہ لوڈشیڈنگ کا سلسلہ ختم نہیں کیا گیا تو عوام کے ساتھ وفاقی حکومت کے خلاف دھرنے دینگے،میڈیا سے گفتگو
منگل 24 مئی 2016 18:13
کراچی(اُردو پوائنٹ اخبارتازہ ترین - این این آئی۔24 مئی۔2016ء) سندھ کے سینئر وزیر نثار احمد کھوڑو نے کہا ہے کہ گرینڈ ڈیموکریٹک الائنس بیروزگار سیاستدانوں اور غیر جمہوری لوگوں کا ٹولہ ہے اور یہ غیر جمہوری قوتوں کے حامی عوام کے حقوق پر ڈاکہ ڈالنے کے لیئے بیک ڈور سازشیں کررہے ہیں ایسے اتحادوں اورسازشوں کا مقابلہ کرتے رہیں گے۔ان خیالات کا اظہار انھوں نے منگل کو سندھ اسمبلی میں میڈیا سے بات چیت کرتے ہوئے کیا۔
نثار احمد کھوڑو نے کہا کہ جی ڈی اے نے فوج کے قبضے کامطالبہ کرکے خود کو عوام کے سامنے بے نقاب کردیا ہے جس وجہ سے اب وہ عوام میں منہ دکھانے کے بھی قابل نہیں رہے ہیں۔انھوں نے کہا کہ بیروزگار سیاستدان اب سہولت کار کی تلاش میں ہیں مگر آئین میں سہولت کار کا کردار ادا کرنے والے آرٹیکل 6 کے مرتکب ہونگے۔(جاری ہے)
انھو ں نے کہا کہ جی ڈی اے میں شامل لوگ عوام کے مسترد کردہ ہیں ، انھیں جمہوریت راس نہیں آرہی اور فوج کے مطالبے کی باتیں کرنے والوں کو سیاستدان کہلانے کا کوئی حق نہیں ہے۔
انھوں نے کہا کہ عوام مخالف اتحاد غیر جمہوری قوتوں کا ساتھ دینے کے لیئے ہمیشہ تیار رہتے ہیں اور خود کو ترقی پسند کہلانے والے ایاز لطیف پلیجوجی ڈی اے کے فوج کے مطالبے پر کیوں خاموش ہیں ۔نثار کھوڑو نے کہا کہ پیر پگارا پر کیا تبصرہ کریں وہ ہمیشہ خود کو جے ایچ کیو کا کہلاتے ہیں جبکہ لیاقت جتوئی کی بھی عوام میں کوئی حیثیت نہیں وہ تو کبھی نواز لیگ تو کبھی ق لیگ تو کبھی کسی اور جماعت میں ہوتے ہیں ۔انھوں نے کہا کہ جمہوریت مخالفین کو ہمیشہ کی طرح ناکامی ہی ملے گی۔ایک سوال کے جواب میں انھوں نے کہا کہ سندھ میں بارہ بارہ گھنٹے بجلی کی لوڈشیڈنگ کرکے سندھ کی عوام سے زیادتی کی جارہی ہے۔ کیا وفاقی حکومت لوڈشیڈنگ کرکے سندھ کو پاکستان بنانے کی سزا دے رہی ہے۔انھوں نے کہا کہ اگر سندھ میں غیر اعلانیہ لوڈشیڈنگ کا سلسلہ ختم نہیں کیا گیا تو عوام کے ساتھ وفاقی حکومت کے خلاف دھرنے دینگے ۔نثار کھوڑو نے کہا کہ ن لیگ حکومت اپنی تنہائی کا غصہ سندھ کی عوام سے نہ نکالے ۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.