پانامہ لیکس کی تحقیقات کیلئے ٹی او آرز بنانیوالی پارلیمانی کمیٹی کے قیام کا نوٹیفکیشن جاری ، اجلاس کل ہوگا
منگل 24 مئی 2016 16:12
اسلام آباد(اُردو پوائنٹ اخبارتازہ ترین - آئی این پی۔24 مئی۔2016ء) سپیکر قومی اسمبلی ایاز صادق کی منظوری کے بعد پانامہ لیکس کی تحقیقات کیلئے ٹی او آرز بنانے کیلئے پارلیمانی کمیٹی کے قیام کا نوٹیفکیشن جاری کر دیا، پارلیمانی کمیٹی میں 6حکومت اور 6اپوزیشن کے ارکان پارلیمنٹ کو شامل کیا گیا ہے،پارلیمانی کمیٹی پاناما پیپرز، آف شور کمپنیوں، کرپشن کے پیسوں کی بیرون ملک منتقلی ،قرضوں کی معافی اور کک بیکس کی تحقیقات کے لئے ٹی او آرز اور تحقیقات کا ٹائم فریم دے گی ، کمیٹی تمام معاملات کی تحقیقات کیلئے فورم کا بھی تعین کر کے 2ہفتوں میں اپنی رپورٹ پیش کر ے گی ،پارلیمانی کمیٹی کا اجلاس کلبدھ کو سہ پہر 4بجے طلب کر لیا گیا ہے جس میں کمیٹی کے چیئر مین کا انتخاب کیاجائے گا۔
تفصیلات کے مطابق سپیکر ایاز صادق کی منظوری کے بعدقومی اسمبلی سکر ٹریٹ نے12 رکنی پارلیمانی کمیٹی کے قیام کا نوٹیفیکیشن جاری کر دیا،نو ٹیفیکیشن کے مطابق کمیٹی میں حکومت اور اپوزیشن کے 6،6 ارکان شامل ہوں گے ۔(جاری ہے)
نو ٹیفیکیشن کے مطابق حکومت کی جانب سے وزیر خزانہ سینیٹراسحق ڈار،وزیر دفاع خواجہ محمد آصف ،وزیر ریلوے خواجہ سعد رفیق ،وزیر مملکت برائے انفارمیشن ٹیکنالوجی انوشہ رحمان شامل ہیں ،کمیٹی میں حکومت کی اتحادی جماعتوں میں سے وزیر ہاؤسنگ اکرم خان درانی اور وزیر پورٹس اینڈ شپنگ سینیٹر میر حاصل بزنجو کمیٹی میں شامل ہیں ۔
نو ٹیفیکیشن کے مطابق اپوزیشن کی جانب سے پارلیمانی کمیٹی میں سینیٹ میں اپوزیشن لیڈر سینیٹر اعتزازاحسن، تحریک انصاف کے پارلیمانی لیڈر شاہ محمودقریشی، جماعت اسلامی کے پارلیمانی لیڈر صاحبزادہ طارق اللہ ، ایم کیو ایم کے سینیٹر بیرسٹر سیف، مسلم لیگ (ق) کے طارق بشیر چیمہ اور اے این پی کے الیاس بلور کمیٹی میں شامل ہیں۔نو ٹیفیکیشن کے مطابق پارلیمانی کمیٹی پاناما پیپرز، آف شور کمپنیوں، کرپشن کے پیسوں کی بیرون ملک منتقلی ،قرضوں کی معافی اور کک بیکس کی تحقیقات کے لئے ٹی او آرز اور تحقیقات کا ٹائم فریم دے گی ، کمیٹی تمام معاملات کی تحقیقات کیلئے فورم کا بھی تعین کر کے 2ہفتوں میں اپنی رپورٹ پیش کر ے گی ،پارلیمانی کمیٹی کا اجلاس (آج)بدھ کو سہ پہر 4بجے طلب کر لیا گیا ہے جس میں چیئر مین کا انتخاب اور کمیٹی کے قواعد و ضوابط طے کئے جائیں گئے ۔ذرائع کے مطابق وزیر خزانہ اسحاق ڈار کو پارلیمانی کمیٹی کا متفقہ طور پر چیئر مین منتخب کیا جائے گا،اور کمیٹی کے پہلے اجلاس میں پیپلز پارٹی اسحاق ڈار کا نام بطور کمیٹی چیئر مین دے گی ۔وا ضح رہے کہ اس سے قبل اسحاق ڈار پارلیمانی کمیٹی برائے الیکٹرورل ریفارمز کے چیئر مین بھی رہے ہیں اور اس کمیٹی نے باہمی مشاورت سے الیکشن کمیشن کے ارکان کی تعیناتی اور مدت ملازمت کے حوالے سے متفقہ طور پر 22ویں آئینی ترمیم کروائی ۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.