ابھیشیک بچن نے اپنی اہلیہ ایشوریا رائے بچن سے ٹویٹر پر سوال پوچھ لیا، ایشوریا کے جواب کی ٹویٹر پر دھومیں

سمیرا فقیرحسین منگل 24 مئی 2016 15:13

ممبئی(اُردو پوائنٹ تازہ ترین اخبار۔24مئی2016ء): ایشوریا رائے بچن اپنی نئی فلم ”سربجیت“ کی پروموشن میں مصروف تھیں کہ مائیکرو بلاگنگ ویب سائٹ ٹویٹر پر ایشوریا رائے بچن سے ان کے مداحوں نے AskAishwary#کے ٹرینڈ کے ساتھ سوالات کرنا شروع کر دئے جن کا خوبرو اداکارہ نے جواب بھی دیا۔ ایشوریا رائے بچن سے جہاں ان کے مداحوں اور پرستاروں نے سوالات کیے وہیں ان کے شوہر جونئیر بچن نے بھی ایشوریا سے ٹویٹر پر ہی ایک سوال کر ڈالا۔

ابھیشیک بچن نے سوال کیا کہ سربجیت جیسی اتنی جذباتی فلم کی شوٹنگ کے بعد گھر آ کر بھی مسکرا لیتی تھی، لیکن کیسے؟ اپنے پیغام میں انہوں نے سربجیت میں اپنی اہلیہ کی اداکاری کو بھی خوب سراہا۔ اپنے شوہر کے ٹویٹ کے جواب میں ایشوریا رائے بچن نے کہا کہ ہمیں اللہ کا شکر ادا کرنا چاہئیے کہ انہوں نے ہمیں زندگی میں مسکرانے کی بہت سی وجہیں دی ہیں اور مسکرانے کی سب سے بڑی وجہ ہماری ننھی ارادھیا بھی ہے۔

(جاری ہے)

ایشوریا رائے بچن کے اس جواب نے ٹویٹر پر دھوم مچا دی۔ اس سے قبل سربجیت کے پریمئیر شو کے دوران ابھیشیک بچن ایشوریا کے ساتھ کچھ لمحے کھڑے ہونے کے بعد وہاں سے چلے گئے تھے جس کے بعد اس جوڑے میں کشیدگی کی افواہیں پھیل گئیں۔

@SarbjitMovie how did you manage to make such an emotionally draining film and still smile when you got home? #AskAishwarya BTW well done!
— Abhishek Bachchan (@juniorbachchan) May 23, 2016