تیزآندھی اور بارش ‘لاہور میں دیوار گرنے سے7افراد ہلاک
میاں محمد ندیم
منگل 24 مئی 2016
12:24
لاہور(اردو پوائنٹ اخبارتازہ ترین-انٹرنیشنل پریس ایجنسی۔24مئی۔2016ء) ملک کے مختلف شہروں میں تیز آندھی،بارش اور آسمانی بجلی گرنے کے حادثات میں10 افراد جاں بحق ہو گئے ، لاہور میں 7، فیصل آباد میں ایک اور ڈیرہ اسماعیل خان میں 2 افراد جاں بحق ہوئے۔لاہورمیں آندھی اوربارش کے دوران زیر تعمیر گودام کی دیوار اورنج ٹرین منصوبے کے سوئے ہوئے مزدوروں پر آگری ، جس کے نتیجے میں7 مزدورجاں بحق اورچارزخمی ہوگئے، جاں بحق ہونے والے تین مزدوروں کی شناخت ہوگئی۔
ریسکیو کے مطابق لاہورمیں رنگ روڈ کے قائد اعظم انٹر چینج کے قریب اورنج ٹرین کے منصوبے کے مزدور ایک زیر تعمیر گودام کی دیوار کےساتھ خیمہ لگائے سورہے تھے کہ آندھی اورتیز بارش کے دوران گودام کی دیوار قیامت بن کر ان پر ٹوٹ پڑی۔(جاری ہے)
ملبے تلے دب کر دو مزدورموقع پر جاں بحق جبکہ5 ہسپتال میں دم توڑ گئے، ریسکیو کے مطابق 4 مزدورزخمی ہیں۔تفصیلات کے مطابق قائد اعظم انٹر چینج پر واڑہ گجراں میں زیر تعمیر گودام کی دیوار گرنے سے خیمے میں سوئے ہوئے اورنج لائن ٹرین کے سات مزدور جاں بحق جبکہ 4 مزدور زخمی ہو گئے جنہیں میو ہسپتال منتقل کر دیا گیا۔
جاں بحق ہونے والوں میں 22 سالہ ارشد ، 19 سالہ ندیم 35 سالہ مقبول ، 24 سالہ عثمان ، 25 سالہ عرفان شامل ہیں جبکہ 2 کی شناخت تاحال نا ہو سکی۔ ریسکیو کی ٹیموں نے کرینوں کی مدد سے ملبے کو ہٹا کر لاشوں اور زخمیوں کو نکالا۔ ریسکیو کے مطابق حادثہ تیز بارش کی وجہ سے پیش آیا۔ عرفان ، عثمان اورمقبول ہیں جن کا تعلق میانوالی اوررحیم یارخان سے ہے۔ زخمیوں کو ہسپتال منتقل کر دیا گیا ہے۔ ۔فیصل آباد کے علاقے ابن مریم کالونی میں بارش کے باعث مکان کی چھت گرگئی۔ ملبے تلے دب کر 8 سال کی بچی جاں بحق اور ایک شخص زخمی ہوگیا۔ڈیرہ اسماعیل خان میں آسمانی بجلی گرنے سے دو افراد جاں بحق ہوگئے۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
