سندھ حکومت ، ایم کیوایم کونہیں بلکہ کراچی کے عوام کونقصانپہنچارہی ہے،ڈاکٹر وسیم اختر
ہفتہ 21 مئی 2016 22:20
کراچی(اُردو پوائنٹ اخبارتازہ ترین - آئی این پی۔21 مئی۔2016ء) متحدہ قومی موومنٹ کے نامزدحق پرست مئیروسیم اخترنے کہاہے کہ سندھ حکومت کراچی دشمنی میں اندھی ہوچکی ہے ،وہ ایم کیوایم کو نہیں،بلکہ کراچی کے عوام کونقصان دے رہے ہیں،کراچی کوپاکستان کاحصہ سمجھاجائے،کراچی پورے ملک کوچلارہاہے مگراس شہرکے لئے صرف گرین بس سروس ہے،انہوں نے کہاکہ کراچی میں گٹرلائنیں ابل رہی ہیں،سڑکوں پرکچراجمع ہے،ٹریفک کاحال براہے،بجلی اورپینے کاپانی شہریوں کومیسرنہیں، سندھ حکومت نے ساری حدیں پارکردی ہیں،کوئی پوچھنے والانہیں،حکمران اوراپوزیشن پانامہ پانامہ کھیل رہے ہیں کراچی کے مسائل اوران کے حل سے انہیں کوئی دلچسپی نہیں۔
انہوں نے حکمرانوں کوپاکستان کے عوام کاواسطہ دے کر کہا کہ وہ60دن کے اندراس بلدیاتی مرحلہ کومکمل کریں،لندن میں میئرکے انتخاب کے صرف7گھنٹے میں مئیربنادیاگیامگرہم کو7مہینے ہوگئے کچھ نہیں ہوا۔(جاری ہے)
ان خیالات کااظہارانہوں نے نامزدڈپٹی میئرارشدوہرا، نامزدچیئرمین ڈسٹرکٹ سینٹرل ریحان ہاشمی،سی ای سی کے رکن معیدانوار،یوسی چیئرمین اوروائس چیئرمینوں کے ہمراہ حسین ابراہیم اسپورٹس کمپلیکس المعروف عیدگاہ گراؤنڈفیڈرل بی ایریامیں پریس کانفرنس سے خطاب کے دوران کیا۔
وسیم اخترنے حسین ابرہیم اسپورٹس کمپلیکس کی حالات زاراورمنوں کچرے کے ڈھیروں پرتشویش کااظہارکرتے ہوئے کہاکہ اس گراؤنڈمیں ہم اس وقت موجودہیں کہ یہاں کچرے کی حالت دیکھئے یہ وہ شہرہے جواس ملک کو75فیصدٹیکس دیتاہے ۔انہوں نے پاکستان مسلم لیگ اورپیپلزپارٹی کانام لیئے بغیرکہاکہ ہروقت جمہوریت کاڈھول پیٹنے والی ملک کی دوبڑی سیاسی جماعتوں نے آج تک بلدیاتی الیکشن نہیں کرائے ،لیکن جب سپریم کورٹ نے کہاتوشیڈول کے مطابق الیکشن ہوئے۔انہوں نے کہاکہ کراچی کے عوام اس انتظارمیں ہیں کہ کب میئراورڈپٹی میئراپنے کام شروع کریں توان کے مسائل حل ہوں۔مورخہ4مئی 2016کوتیسری بارالیکشن شیڈول جاری کیاگیا۔انہوں نے کہاکہ الیکشن کمیشن عدالت کوبھی گمراہ کررہاہے کیونکہ جب آزادامیدواروں کاکیس کورٹ میں تھااس وقت الیکشن کمیشن نے کوئی اعتراض کیوں نہیں اٹھایا،ایم کیوایم کے علاوہ آزادامیدواربھی چاہتے ہیں کہ وہ بھی جلدسے جلداپنے کاموں کا آغاز۔ انہوں نے کہاکہ پیپلزپارٹی کی اسمبلی میں اکثریت ہے جس کی وجہ سے وہ جودل چاہتاہے کرتی ہے، مختلف محکموں کوسندھ حکومت نے اپنے پاس لے لیا ہے۔انہوں نے کہاکہ پی پی پی والے اگرنیک نیت ہوتے توہائی کورٹ کے فیصلے پرعمل کرتے،لیکن انہیں بلدیاتی کاموں سے کوئی دلچسپیی نہیں،وسیم اخترنے وزیراعظم پاکستان میاں نوازشریف،چیف آف آرمی اسٹاف جنرل راحیل شریف،سپریم کورٹ اور سندھ ہائی کورٹ کے چیف جسٹس سے مطالبہ کیاکہ سپریم کورٹ کے فیصلے پر عملدرآمد کرایا جائے۔متعلقہ عنوان :
مزید قومی خبریں
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.