سٹیٹ بینک نے شرح سود 5.75فیصدمقرر کردی
ملک کے معاشی حالات میں بہتری کا سلسلہ جاری ہے، حقیقی جی ڈی پی کی 4.2 فیصد سے زائد ہے ، یہ 5.5فیصد ہدف سے کم رہے گی، جاری خسارہ کا کھاتہ کم ہونے کا امکان ہے، زر مبادلہ کے ذخائر میں اضافے کا رجحان جاری رہنے کا تخمینہ لگایا گیا ہے،عمومی صارف اشاریہ قیمت مہنگائی میں اضافے کا رجحان برقرار ہے، رواں سال مہنگائی کی شرح 6فیصد سے کم رہے گی،سٹیٹ بینک کا نئی مانیٹری اعلان
ہفتہ 21 مئی 2016 21:10
کراچی (اُردو پوائنٹ اخبارتازہ ترین - آئی این پی۔21 مئی۔2016ء) اسٹیٹ بینک آف پاکستان نے شرح سود میں 25بیسس پوائنٹس کم کر کے 6.0 فیصد سے 5.75فیصد کرنے کا اعلان کر دیا ہے جس کے بعد ملکی تاریخ میں شرح سود کم ترین سطح پر آ گئی ہے، سٹیٹ بینک نے کہا ہے کہ ملک کے معاشی حالات میں بہتری کا سلسلہ جاری ہے، حقیقی جی ڈی پی کی نمو 4.2 فیصد سے زائد ہے جو 5.5فیصد ہدف سے کم رہے گی، جاری خسارہ کا کھاتہ کم ہونے کا امکان ہے، زر مبادلہ کے ذخائر میں اضافے کا رجحان جاری رہنے کا تخمینہ لگایا گیا ہے،عمومی صارف اشاریہ قیمت مہنگائی میں اضافے کا رجحان برقرار ہے، رواں سال مہنگائی کی شرح 6فیصد سے کم رہے گی۔
ہفتہ کو سٹیٹ بینک کی جانب سے جاری کردہ زری پالیسی بیان کے مطابق مالی سال16ء کے آخر میں معاشی حالات میں بہتری کا سلسلہ جاری ہے۔(جاری ہے)
سال بسال بنیادوں پر مسلسل اضافے کے باوجود عمومی صارف اشاریہ قیمت مہنگائی مالی سال16ء کے لئے مقررہ6فیصد کے سالانہ اوسط ہدف سے کم رہے گی۔ حقیقی جی ڈی پی کی نمومالی سال15ء کی4.2فیصد سے زیادہ لیکن اپنے5.5فیصد کے ہد ف سے کم رہے گی۔
امکان ہے کہ جاری کھاتے کا خسارہ کم ہوکر گذشتہ برس کی سطح تقریباً ایک فیصد پر رہے گا جبکہ ادائیگیوں کے توازن میں متوقع فاضل مالی سال15ء کی سطح سے کچھ کم ہوگا۔تاہم زرمبادلہ کے ذخائر میں اضافے کا رجحان جاری رہنے کا تخمینہ لگایا گیاہے۔توقع کے مطابق عمومی صارف اشاریہ قیمت مہنگائی میں مسلسل ساتویں مہینے اضافے کا رجحان برقرار رہا اور سال بسال بنیادپر یہ ستمبر2015ء میں1.3فیصد کی پست سطح سے بڑھ کر اپریل2016ء میں4.2فیصد تک پہنچ گئی۔ تلف پذیر غذائی اشیاء اورخدمات کے موسمی اثرات کے علاوہ اس اضافے کا اہم سبب اساسی اثر کی مزید کمزوری اورتیل کی قیمتوں میں کمی کے دورثانی کے اثرات ہیں۔اسی طرح قوزی(Core)گرانی کے پیمانے بھی بری حد تک اس مالی سال میں اضافے کے رجحان پر عمل پیرا ہے جس سے اس میں پنہاں مہنگائی کے رجحانات کی مضبوطی کی نشاندہی ہوتی ہے۔ان رجحانات اور پیش رفت کے باوجود مالی سال16ء میں مہنگائی کم رہنے کا امکان ہے۔تاہم امکان ہے کہ مالی سال17ء میں مہنگائی بلند سطح پر چلی جائے گی۔مہنگائی کی راہ کا تعین کرنے والے اہم عوامل یہ ہیں:اول،بتدریج بہتر ہوتی ہوئی رسدی حرکیات کے مقابلے میں طلب میں قدرے تیزی سے اضافے کے نتیجے میں مہنگائی بڑھ سکتی ہے۔دوم،تیل کی بڑھتی ہوئی عالمی قیمتوں کے ساتھ ساتھ غیرتوانائی اجناس کی قیمتوں میں متعدل قیمتوں کو منتقل ہوجائے گا۔سوم،اگرنئے ٹیکس اقدامات کے نفاذ اوربجلی کی قیمتوں میں اضافے جیسے بعض خطرات نے حقیقت کا روپ دھار لیا تواس سے صارف اشاریہ قیمت مہنگائی پر اضافے کا دباؤ بڑھ جائے گا۔ صنعتی سر گرمیوں اور خدمات کے شعبے میں توسیع سے جی ڈی پی کی نمو میں کپاس اور چاول کی فصلوں کے نقصانات کے باعث ہونے والی کمی کا ازالہ کرنے میں مدد ملے گی، بڑے پیمانے کی اشیاء سازی (ایل ایس ایم) میں بحالی، جس میں جولائی تا مارچ مالی سال 2015ء کے 2.8فیصد کے مقابلے میں جولائی تا مارچ مالی سال 2016ء کے دوران 4.7 فیصد نمو ہوئی کا سلسلہ متوقع طور پر توانائی اور امن و امان کی بہتر ہوتی ہوئی صورتحال کے باعث جاری رہے گا، اس کے ساتھ ساتھ تعمیرات میں عمدہ نمو اور صارفی اشیاء کی پہلے سے بہتر طلب نے متواتر یہ باور کرایا ہے کہ رواں مالی سال میں ملکی طلب میں بحالی ہوئی ہے، اس کی عکاسی نجی شعبے کی جانب سے لئے گئے قرضوں سے بھی ہوتی ہے جن میں جولائی تا مارچ مالی سال 2016ء میں 314.7 ارب روپے کا اضافہ ہوا جبکہ مالی سال 2015ء کی اسی مدت کے دوران یہ 206.0 ارب روپے بڑھے تھے۔ چنانچہ توقع ہے کہ مالی سال 2016ء میں جی ڈی پی نمو سے مطلوبہ استحکام حاصل ہو جائے گا اور وہ مالی سال 2017ء میں مزید بہتری کی بنیاد فراہم کرے گی۔ جہاں تک بیرونی شعبے کا تعلق ہے ، توازن ادائیگی میں استحکام اور زرمبادلہ کے ذخائر میں اضافہ بنیادی طور پر جاری اور مالی دونوں کھاتوں میں سازگار پیش رفت کی بناء پر ہوا۔ کارکنوں کی مستحکم ترسیلات زر اور تیل کی کم قیمتوں نے جاری حسابات کے خسارے کو قابل بندوبست سطح پر رکھنے میں مدد دی ہے جبکہ مالی کھاتے کی فاضل رقوم میں کثیر طرفہ اور دوطرفہ رقوم کی آمد نے اہم کردار ادا کیا ہے۔ رواں مالی سال کے دوران بھی اس عوامی میں سازگار رجحانات کے نتیجے میں توازن ادائیگی میں بحیثیت مجموعی فاضل رقم کا امکان ہے جبکہ اسٹیٹ بینک کے زر مبادلہ ذخائر بڑھ کر تخمینے کے مطابق چار ماہ سے زائد مدت کی درآمدات کے لئے کافی ہوں گے جو مالی سال 2015ء کے اختتام پر تقریباً تین ماہ کی مدت سے زیادہ ہیں، آگے چل کر بیرونی براہ راست سرمایہ کاری بڑھنے کا امکان ہے کیونکہ پاک چین اقتصادی راہداری کے تحت منصوبوں پر کام تیز ہو رہا ہے۔ دوسری طرف اجناس کے نرخوں میں متوقع معمولی اضاافے اور توانائی کی ملکی رسد بہتر ہونے کے سبب توقع ہے کہ برآمدی وصولیوں میں معمولی بحالی آئے گی، تاہم نجی سرمائے کی آمد میں کچھ عرصہ سے جاری کمزوریاں برقرار ہیں اس لئے تیل کی قیمتوں یا کارکنوں کی ترسیلات زر میں کوئی منفی تبدیلی واقع ہوئی تو غیر یقینی صورتحال پیدا ہو سکتی ہے۔ مذکورہ صورتحال کے پیش نظر اسٹیٹ بینک آف پاکستان کی زرپالیسی کمیٹی نے تفصیلی غور و خوض کے بعد پالیسی ریٹ کو 25بیسس پوائنٹس کم کر کے 6.0 فیصد سے 5.75فیصد کرنے کا فیصلہ کیا ہے۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.