بد عنوانی کے ناسور نے ریاست کی جڑیں کھوکھلی کردی ہیں، یونس خان بونیری
اختیارات کے غلط استعمال سے ناجائز ذرائع کے ذریعے لوٹ مار کے ساتھ ساتھ بینکوں سے بھاری قرضے معاف کروائے
جمعہ 20 مئی 2016 22:07
کراچی (اُردو پوائنٹ اخبارتازہ ترین - این این آئی۔20 مئی۔2016ء) عوامی نیشنل پارٹی سندھ کے جنرل سیکریٹری یونس خان بونیری نے کہا ہے کہ بد عنوانی کے ناسور نے ریاست کی جڑیں کھوکھلی کردیں ہیں آمرانہ ذہنیت نے ملک کے قیام سے ہی حقیقی سیاسی قیادت کو دیوار سے لگا کر سیاست کو کاروبار بنایا اور اختیارات کے غلط استعمال سے ناجائز ذرائع کے ذریعے لوٹ مار کے ساتھ ساتھ بینکوں سے بھاری قرضے معاف کروائے عوامی نیشنل پارٹی ریاستی معاملات کو عوامی نمائندوں کے ذریعے چلانے کی حامی ہے آف شور کمپنیوں ،بیرون ملک سرمایہ کاری ،ناجائز دولت اور آمرانہ ادوار میں بیرونی امداد کے اربوں ڈالر ہڑپ کرنے والوں کے خلاف بھی کاروائی کی جانی چاہیے ،ان خیالات کا اظہار انہوں نے باچا خان مرکز میں مختلف پارٹی وفود سے ملاقات کرتے ہوئے کیا ،انہوں نے مذید کہا کہ ہم سمجھتے ہیں کہ نام نہاد افغان جہاد کے نام پر آنے والی بیرونی امداد کو سیاست دانوں کے خلاف استعمال کر تے ہوئے قوم کو بھی تقسیم کرکے قومی جرم کا ارتکاب کیا گیا،پانامہ لیکس اور احتساب کے حوالے سے پارلیمانی کمیٹی کا قیام خوش آئند ہے ،اے این پی سمجھتی ہے آذاد اور خودمختار کمیشن کے ذریعے احتساب بلا تفریق کیا جانا چاہیے ،پارٹی کے اسلاف باچا خان اور خان عبدالولی خان بھی علاقائی معاملات کو بات چیت کے ذریعے حل کرنے اور اندرونی خلفشار کے خاتمے کے لیے آواز بلند کرتے رہے ہیں،اب ابھی وقت ہے عوامی نیشنل پارٹی کی قومی پالیسی پر توجہ دی جائے ،خدا نخواستہ ماضی کی طرح ایک مرتبہ پھر معاملات ہاتھ سے نکل جائیں،دریں اثناء عوامی نیشنل پارٹی کے صوبائی الیکشن کمیشن کے چیئر مین الطاف خان ایڈووکیٹ نے ضلع غربی کے انٹرا پارٹی الیکشن کے شیڈیول کا اعلان کردیا ہے ضلعی صدر ،جنرل سیکریٹری سمیت دیگر عہدوں کے خواہش مند امیدوار باچا خان مرکز سے 22 مئی سے لیکر 25 مئی تک غزات نامزدگی کی درخواستیں وصول و جمع کرواسکیں گے ،27 مئی سے لیکر 2 جون تک کاغزات نامزدگی واپس لی جاسکے گی، 5 جون کو ضلع غربی کے تنظیمی الیکشن کا انعقاد باچا خان مرکز میں ہوگا،الطاف خان ایڈووکیٹ نے تمام یوسیوں کی تنظیموں کو کوائف رجسٹر باچا خان مرکز میں صوبائی جنرل سیکریٹری کے پاس جمع کروانے کی ہدایت کی ہیں، مقررہ تاریخ گزرنے کے بعد رجسٹر جمع نا کروانے والی یوسی تنظیم انٹرا پارٹی الیکشن میں حصہ لینے کی مجاز نہیں ہوگی،اعلامیہ میں مذید کہا گیا ہے کہ پارٹی کے صوبائی دفتر باچا خان مرکز پر پارٹی کے صوبائی کابینہ ،سینٹرل ورکنگ کمیٹی کے اراکین اور ضلعی صدور و جنرل سیکریٹریز کی آفس ڈیوٹیوں کی نئی فہرست بھی مرتب کی گئی جسے مردان ہاؤس اور باچا خان مرکز کے نوٹس بورڈ پر آویزاں کردیا گیا ہے ،تمام پارٹی کارکنان کو مطلع کیا جاتا ہے کہ تنظیمی امور سمیت دیگر معاملات کے لیے باچا خان مرکز میں تنظیمی ذمہ داروں سے رابطہ کیا جائے ۔
متعلقہ عنوان :
مزید قومی خبریں
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.