ایڈمنسٹریٹر کراچی کی شب برأت کے موقع پر شہریوں کی سہولت کے لئے سٹی وارڈنز کو تعینات کرنے کی ہدایت
جمعہ 20 مئی 2016 21:59
کراچی (اُردو پوائنٹ اخبارتازہ ترین - این این آئی۔20 مئی۔2016ء) ایڈمنسٹریٹر کراچی لئیق احمد نے شب برأت کے موقع پر قبرستانوں میں عزیز اقارب کی قبروں پر فاتحہ خوانی کیلئے آنے والے شہریوں کو سہولتیں مہیا کرنے کی غرض سے بلدیہ عظمیٰ کراچی کے زیر انتظام 48 قبرستانوں میں صفائی ستھرائی، لائٹنگ، پینے کے پانی کی فراہمی کے علاوہ میڈیکل کیمپ لگانے اور شہریو ں کی رہنمائی اور گاڑیوں کی پارکنگ کیلئے سٹی وارڈنز کو تعینات کرنے کی ہدایت کی ہے تاکہ شب برأت پر قبرستانوں کو جانے والے شہریوں کو کسی قسم کی دشواری کا سامنا نہ کرنا پڑے، انہو ں نے شہریوں سے اپیل کہ کے ایم سی زیر انتظام قبرستانوں میں تدفین کے سرکاری نرخوں سے زائد رقم وصول کرنے والے گورکن اور دیگر عملے کے خلاف شکایت درج کرائیں تاکہ ایسے عملے کے خلاف فوری کارروائی کی جاسکے کیونکہ گورکن یا دیگر عملے کو مقررہ نرخوں سے زائد وصولی کرنے کا کوئی حق نہیں، ایڈمنسٹریٹر کراچی نے انچارج قبرستان اقبال پرویز کو ہدایت کی کہ شب برأت کے موقع پر قبرستانوں میں فاتحہ خوانی کیلئے آنے والے زائرین کے لئے روشنی کے انتظامات کے ساتھ ساتھ راستے بھی صاف کئے جائیں تاکہ زائرین کو اپنے عزیز و اقارب کی قبروں تک پہنچنے میں آسانی ہو، ضلعی میونسپل کارپوریشنز بھی اپنی اپنی حدود میں موجود قبرستانوں کی صفائی اور روشنی کے انتظاما ت کو یقینی بنائیں اس حوالے سے اگر انہیں ضروری مشینری یا افرادی قوت کی ضرورت ہو تو بلدیہ عظمیٰ کراچی ان کے ساتھ ہر ممکن تعاون کرے گی، ایڈمنسٹریٹرکراچی لئیق احمد نے کہا کہ ہمیں اپنی جانب سے کئے جانے والے کاموں پر مطمئن نہیں ہوناچاہئے بلکہ مزید بہتر سے بہتر کام کرنے پر توجہ دینی چاہئے کیونکہ ہر کام میں بہتری کی گنجائش ہمیشہ باقی رہتی ہے، ہماری کوشش ہونی چاہئے کہ اس بار ہم سب اپنی مشترکہ کوششوں کی بدولت شب برأت پر قبرستانوں میں آنے والے زائرین کو تمام ترسہولیات فراہم کریں اور اس طرح کام کریں کہ یہاں آنے والوں کو گزشتہ سالوں کے مقابلے میں زیادہ بہتر سہولتوں کی فراہمی نظر آئے، انہوں نے ضلعی میونسپل کارپوریشنز اور واٹر بورڈ سے کہا کہ اپنے اپنے علاقوں میں واقع قبرستانوں میں صفائی ستھرائی اور دیگر کاموں کو ترجیحی بنیادوں پر انجام دیں اور قبرستانوں کے اطراف اور مساجد کے راستوں پر بھی صفائی ستھرائی کا خاص خیال رکھا جائے، سیوریج یا پانی کی وہ لائنیں جو بند ہیں انہیں فوری درست کردیا جائے اور قبرستان جانے والے اہم مقامات پر پینے کے پانی کا بھی بندوبست کیا جائے۔
متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.