تنخواہوں میں اضافہ کی تحریک لمحوں میں پاس ہوسکتی ہے تو ٹی اوآرز کیوں نہیں‘عوامی تحریک
وزیراعظم نے دیگر جماعتوں کے اراکین کو ہم خیال بنانے کیلئے تنخواہوں میں اضافہ کا دانہ پھینکا ‘بشارت جسپال
جمعہ 20 مئی 2016 19:43
لاہور(اُردو پوائنٹ اخبارتازہ ترین - این این آئی۔20 مئی۔2016ء )پاکستان عوامی تحریک کے رہنماؤں نے اراکین اسمبلی کی تنخواہوں میں اضافہ کی تحریک کی منظوری پر ردعمل دیتے ہوئے کہا ہے کہ تنخواہوں اور مراعات میں اضافہ کی تحریک لمحوں میں پاس ہوسکتی ہے تو ٹی اوآرز کی تیاری کیلئے 2ہفتے درکار کیوں ہیں؟ رہنماؤں بشارت جسپال، فیاض وڑائچ، بریگیڈیئر(ر) مشتاق احمد نے اپنی رائے دیتے ہوئے کہا کہ اراکین پارلیمنٹ کی کارکردگی جاننے کا بھی کوئی میکانزم وضع ہونا چاہیے کیونکہ اراکین کی اکثریت اسمبلی بزنس میں حصہ لیتی ہے اور نہ ہی کسی قومی ،عوامی ایشو پر ہونے والی بحث میں اپنا حصہ ڈالتی ہے،جبکہ تنخواہ میں مراعات با قاعدگی سے لی جاتی ہیں ۔
بشارت جسپال نے کہا کہ اراکین اسمبلی کی تنخواہوں اور مراعات میں اضافہ کا تعلق پانامہ لیکس سے ہے۔(جاری ہے)
وزیراعظم نے حکومتی اراکین اسمبلی کو ہم خیال بنانے کیلئے ترقیاتی فنڈز کے نام پر خزانے کے دروازے کھولے اور دیگر جماعتوں کے اراکین کو ہم خیال بنانے کیلئے تنخواہوں اور مراعات میں اضافہ کا دانہ پھینکا یہ سیاسی رشوت ہے اور اس کے مقاصد اراکین اسمبلی کی ہمدردیاں سمیٹنا ہے۔
فیاض وڑائچ نے کہا کہ اگر اراکین اسمبلی پارلیمنٹ کی کارکردگی کو دیکھا جائے تو ان سے پہلے والی مراعات بھی چھین لینی چاہئیں۔ کسان، مزدور، اساتذہ، لیڈی ہیلتھ ورکرز مظالم کے خلاف سراپا احتجاج ہیں ۔اراکین پارلیمنٹ مظلوم طبقات کی اسمبلی میں نمائندگی کرتے تو انہیں اپنے حقوق کیلئے 50 ڈگری والے درجہ حرارت میں تپتی سڑکوں پردھرنے نہ دیناپڑتے۔انہوں نے کہا کہ موجودہ اراکین اسمبلی کسی قسم کی مراعات کے حق دار نہیں۔بریگیڈیئر(ر) مشتاق احمد نے کہاکہ اراکین پارلیمنٹ اپنا آئینی قومی کردار ذمہ داری سے ادا کرتے تو آج پاکستان کا بچہ بچہ مقروض نہ ہوتا ۔موجودہ سیاسی بحرانوں میں اراکین پارلیمنٹ اپنا موثر عوامی کردار ادا کرنے میں ناکام رہے۔ اس لیے ہم سمجھتے ہیں کہ اراکین پارلیمنٹ کسی قسم کی مراعات کے مستحق نہیں۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.