وزیر اعلیٰ سندھ انسپکشن ٹیم کے کوآرڈی نیٹر مظفر شجرہ کا سول ہسپتال میر خاص کا دورہ ،ڈاکٹروں کو شوکاز نوٹس جاری
جمعہ 20 مئی 2016 18:23
میرپورخاص(اُردو پوائنٹ اخبارتازہ ترین - این این آئی۔20 مئی۔2016ء) سول ہسپتال میرپورخاص میں ڈاکٹروں کی جانب سے مریضوں کو باہر سے ادویات منگوانے کی شکایات کا نوٹس لیتے ہوئے وزیراعلیٰ سندھ کے انسپیکشن اینڈ انکوائریز ٹیم کے کوآرڈینیٹر مظفر شجر نے سول ہسپتال میرپورخاص میں اچانک چھاپا مارکر ڈاکٹروں کا شوکاز نوٹس اور انکوائری کرنے کے احکامات جاری کئے۔
انہوں نے ٹیم کے ڈائریکٹر غلام مصطفی منگن ،ڈپٹی ڈائریکٹر نوراحمد جلبانی اور ڈپٹی کمشنر میرپورخاص سید مہدی علی شاہ کے ہمراہ سول ہسپتال میرپورخاص کے کارڈیالوجی وارڈ،چلڈرن وارڈ،سرجیکل وارڈ،گائنی وارڈ،بلڈ بنک اور مختلف وارڈوں کا تفصیلی دورہ کیا اورمریضوں سے ادویات اور صحت کی سہولیات کی فراہمی کے متعلق معلومات لیں۔(جاری ہے)
اس موقع پر مریضوں نے سول ہسپتال میں کچھ ادویات نہ ملنے اور ڈاکٹروں کی عدم دلچسپی اور بہتر علاج نہ کرنے کی شکایات کیں جس پر کوآرڈینیٹر نے سول سرجن کو سختی سے ہدایت کی کہ وہ ہسپتال میں آنے والے مریضوں کا بہتر علاج اور صحت کی سہولیات فراہم کی جائیں اس ضمن میں کسی قسم کی کوتاہی ہرگز برداشت نہیں کی جائیگی۔
اس موقع پر میڈیا سے گفتگو کرتے ہوئے وزیر اعلیٰ سندھ کے انسپکشن ٹیم کے کوآرڈینیٹر مظفر شجراع نے کہا کہ حکومت سندھ لوگوں کو صحت کی سہولیات کی فر اہمی کے ساتھ ساتھ ہسپتالوں کی بہتری کیلئے بھی اقدامات کررہی ہے مگر اس سلسلے میں سول سوسائٹی اور میڈیا کو بھی اپنا کردار ادا کرنا چاہئے۔ایک سوال کے جواب میں انہوں نے کہا کہ سول ہسپتال میرپورخاص میں ڈاکٹروں کی کمی کو جلد پورا کرنے کیلئے سندھ حکومت کو سفارش کی جائیگی ۔ انہوں نے سول ہسپتال میرپورخاص میں صفائی ستھرائی کی ناقص صورتحال پر سخت برہمی کا اظہارکرتے ہوئے سول سرجن کو ہدایت کی کہ ہسپتال میں بہتر صحت کی سہولیات کے ساتھ ساتھ صفائی ستھرائی کی صورتحال کو بھی بہتر کیاجائے۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.