عوام ملک میں ترقی و خوشحالی کو پنپتے دیکھنا چاہتے ہیں، منفی سیاست کی کوئی گنجائش نہیں، محمد شہبازشریف
سب کا بلاامتیاز احتساب قوم کی آواز ہے، آف شور کمپنیوں پر واویلا ’’چور مچائے شور‘‘ کے مترادف ہے جن کی اپنی آف شور کمپنیاں ہیں وہی سب سے زیادہ شور مچا رہے ہیں‘وزیراعلیٰ کی اراکین اسمبلی سے گفتگو
منگل 17 مئی 2016 21:26
لاہور(اُردو پوائنٹ اخبارتازہ ترین - این این آئی۔17 مئی۔2016ء ) وزیراعلیٰ پنجاب محمد شہباز شریف نے کہا ہے کہ ملک کسی بھی صورت منفی یا انتشار کی سیاست کا متحمل نہیں ہو سکتا۔ بعض سیاسی عناصر صرف ذاتی مفادات کی خاطر ملک کی ترقی روکنے کے درپے ہیں، خوشحالی کے سفر میں 18 کروڑ عوام اب کسی کورکاوٹ نہیں ڈالنے دیں گے،وزیراعظم محمد نواز شریف کی قیادت میں پاکستان میں ترقی، خوشحالی امن اور امید کا سفر شروع ہو چکا ہے اور عوا م کے تعاون سے اس سفر کو کامیابی سے طے کریں گے،سیاست عوام کی بے لوث خدمت کا نام ہے، ہمارا ہر قدم ملک کی ترقی اور عوام کی خوشحالی کیلئے اٹھ رہا ہے۔
وزیراعلیٰ محمد شہبازشریف نے ان خیالات کا اظہار اراکین اسمبلی سے گفتگو کرتے ہوئے کیا جنہوں نے آج یہاں ان سے ملاقات کی۔(جاری ہے)
وزیراعلیٰ نے کہا کہ کا پاکستان ماضی کے مقابلے میں معاشی طور پر مستحکم ہے اور 2018 ء کا پاکستان آج سے زیادہ پرامن، محفوظ، ترقی یافتہ اور خوشحال ہوگا۔ بلاامتیاز احتساب سے ہی پاکستان آگے بڑھے گا۔ انہوں نے کہا کہ پاکستان تاریخ کے اہم موڑ پر کھڑا ہے، یہ وقت ذاتی مفادات کی سیاست کا نہیں۔
ملک کو آگے لے جانے کیلئے سب کو مل کر محنت اور دیانت سے کام کرنا ہے۔ انہوں نے کہا کہ قومی دولت لوٹنے اور اربوں روپے کے قرض معاف کرانے والوں کو کٹہرے میں لانا ہوگا۔سب کا بلاامتیاز احتساب پوری قوم کی آواز ہے۔ آف شور کمپنیوں پر واویلا ’’چور مچائے شور‘‘ کے مترادف ہے اور جن کی اپنی آف شور کمپنیاں ہیں، وہی سب سے زیادہ شور مچا رہے ہیں۔ پاکستان کے باشعور عوام ایسے عناصر کی حقیقت جان چکے ہیں۔ وزیراعلیٰ نے کہا کہ پشاور کا حالیہ ضمنی الیکشن کا نتیجہ منفی سیاست کرنے والوں کیلئے نوشتہ دیوار ہے۔ عوام ملک میں ترقی و خوشحالی کو پنپتے دیکھنا چاہتے ہیں، منفی سیاست کی اب کوئی گنجائش نہیں۔ وزیراعلیٰ سے ملاقات کرنے والے اراکین پنجاب اسمبلی میں ذوالفقار علی خان، محمد ثاقب خورشید، چوہدری اختر علی خان، راشدہ یعقوب اور چوہدری محمد اقبال شامل تھے جبکہ ایم پی اے منشا اﷲ بٹ بھی اس موقع پر موجود تھے۔متعلقہ عنوان :
مزید اہم خبریں
-
یو این جنرل اسمبلی: ہر سال 24 مئی کو یوم مارخور منانے کا فیصلہ
-
ملک میں بارشوں کا نیا سلسلہ داخل ہو گیا
-
اگر ملک چلانا ہے تو پھر نیب کے ادارے کو ختم کرنا پڑے گا
-
مشرقی افریقہ: بارشوں اور سیلاب کے دوران یو این امدادی کارروائیاں جاری
-
ایکسٹینشن بربادی کا راستہ ہے
-
سچ یہ ہے کہ یہ الیکشن تحریک انصاف جیت چکی
-
ملک میں رواں سال کی پہلی ہیٹ ویو کا الرٹ جاری
-
اگر میں نے فارم 47 کی بات کی تو ن لیگ منہ نہیں چھپا سکے گی
-
وزیرخزانہ کی ایف بی آرکو محصولات وصولی کا ہدف حاصل کرنے کیلئے ہر ممکن کوشش کی ہدایت
-
گندم اور چینی کا بحران پیدا کرنے کی ایک پوری اکانومی ہے
-
وزیراعظم محمد شہباز شریف سے چیئرمین پاکستان پیپلز پارٹی بلاول بھٹو زرداری کی ملاقات
-
سندھ حکومت سٹنٹنگ سمیت ہر قسم کی غذائی قلت کے خاتمے کیلئے اقدامات کر رہی ہے، وزیراعلیٰ سندھ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.