پیپلزپارٹی کے رہنماء ضمنی انتخابات میں دھاندلی کاالزام لگاکرزرداری سے لئے گئے ڈالروں کو ہضم کرناچاہتے ہیں،امیرمقام
حالیہ ضمنی انتخابات میں اگردھاندلی یاپری پول ریگنگ ہوئی ہے تووہ پیپلزپارٹی اورتحریک انصاف نے کی ہے کس کارکردگی کے بل بوتے پرپیپلزپارٹی الیکشن جیتنے کی خوشی میں تھی،دیرکی کامیابی بھی ہماری مرہون منت تھی پی پی کے تمام الزامات مستردکرتاہوں، پی کے8 کے باشعورعوام نے پیپلزپارٹی اورتحریک انصاف کی عوام کش پالیسیوں کوبیلٹ پیپرزکے ذریعے مستردکردیا،پریس کانفرنس
ہفتہ 14 مئی 2016 20:12
پشاور(اُردو پوائنٹ اخبارتازہ ترین - این این آئی۔14 مئی۔2016ء) وزیراعظم کے مشیرانجینئرامیرمقام نے کہاہے کہ پاکستان پیپلزپارٹی کے بعض رہنماPK-8کے ضمنی انتخابات میں دھاندلی کاالزام لگاکر زرداری صاحب سے لئے گئے ڈالروں کو ہضم کرناچاہتے ہیں،حالیہ ضمنی انتخابات میں اگردھاندلی یاپری پول ریگنگ ہوئی ہے تووہ پیپلزپارٹی اورتحریک انصاف نے کی ہے۔
انہوں نے کہاکہ پیپلزپارٹی نے بینظیرانکم سپورٹ پروگرام کے جعلی کارڈزبنواکرPK-8کے مکینوں میں ایڈوانس پانچ پانچ سو روپے بھی تقسیم کئے جبکہ باقی پیسوں کاالیکشن کے بعددینے کابھی وعدہ کیاگیاجوخودکسی بڑی دھاندلی سے کم نہیں،بینظیرانکم سپورٹ پروگرام کے جعلی کارڈفراہم کرنے کے بعدبھی پیپلزپارٹی اپنے امیدوارکونہ جیتواسکی۔(جاری ہے)
انہوں نے کہاکہ ضمنی الیکشن ہارنے کے بعدپیپلزپارٹی قائدین اپنی کوتاہیاں چھپانے کیلئے بے بنیادبہانے تلاش کررہے ہیں،اپنی قائدین کی طرف سے ڈانٹنے پرپیپلزپارٹی کی صوبائی قیادت الزام تراشی پراترآئی ہے،زرداری صاحب کوچاہئے اپنے پارٹی رہنماؤں کااحتساب کریں۔
انہوں نے کہاکہ کس کارکردگی کے بل بوتے پرپیپلزپارٹی الیکشن جیتنے کی خوشی میں تھی،پیپلزپارٹی اگردیرمیں بھی کامیاب ہوئی تووہ بھی پاکستان مسلم لیگ(ن)کی مرہون منت ہے۔ان خیالات کااظہارانہوں نے سنگوٹہ ہاؤس میں ہفتہ کے روزپریس کانفرنس سے خطاب کرتے ہوئے کیا۔انجینئرامیرمقام نے کہاکہ ضمنی انتخابات الیکشن کمیشن عملے ،صوبائی حکومت کی ماتحت انتظامیہ وپولیس وفوج کی نگرانی میں ہوئے ،الزام تراشی کرنیوالے الزامات کی بجائے اپنی کارکردگی اورنااہلی کاروناروئیں،پیپلزپارٹی کے مطالبے پررات کودوبارہ گنتی کی گئی جسکے بعدپیپلزپارٹی کے قائدین نے الیکشن کمیشن کوبھی خراج تحسین پیش کی اورPML-Nمنتخب امیدوارکوجیتنے پرمبارکبادبھی دی۔انہوں نے کہاکہ پاکستان پیپلزپارٹی کے رہنماؤں کے تمام الزامات مستردکرتاہوں، PK-8 کے باشعورعوام نے پیپلزپارٹی اورتحریک انصاف کی عوام کش پالیسیوں کوبیلٹ پیپرزکے ذریعے مستردکردیااورمحمدنوازشریف،انکی ٹیم اورPML-Nکی پالیسیوں پر اعتمادکااظہارکیا۔ایک سوال کے جواب میں انہوں نے کہاکہ میرابھائی ممبرقومی اسمبلی ڈاکٹرعباداللہ کئی دن نہیں بلکہ پورامہینہ پشاورمیں موجودرہے اورہمارے قائدمحمدنوازشریف کے پیغام اوروژن کوگھر گھر پہنچایا،مجھے صرف حلقہPK-8کے راستہ سے گزرنے پرالیکشن کمیشن نے نوٹس بجھوایا،ہم ریاستی اداروں کی قدرکرتے ہیں خودبنفس نفیس الیکشن کمیشن کے ریٹرننگ آفیسرکے روبرو حاضرہوا۔انہوں نے کہاکہ ہم سیاست عبادت سمجھ کرتے ہیں،ہمارانصب العین عوامی خدمت ہے اورانشاء اللہ جیت کایہ سلسلہ 2018کے انتخابات اوراسکے بعد بھی جاری رہیگا۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
-
بشریٰ بی بی کی بنی گالہ سے اڈیالہ جیل منتقلی کی عدم پیروی پر خارج درخواست بحال
-
وزیر اعلیٰ خیبرپختونخواہ کی ہدایت پر روٹی/ نان کی قیمتوں میں بھی نمایاں کمی کردی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.