پاکستان بار کونسل نے سیاستدانوں کے بعد ججز کے احتساب کا مطالبہ کر دیا
ہفتہ 14 مئی 2016 16:44
اسلام آباد (اُردو پوائنٹ اخبارتازہ ترین - این این آئی۔14 مئی۔2016ء) پاکستان بار کونسل نے سیاستدانوں کے بعد ججز کے احتساب کا بھی مطالبہ کر تے ہوئے کہا ہے کہ اعلیٰ عدلیہ کے ججز کا احتساب نہ ہونے سے عوام کا اعتبار ختم ہو رہا ہے۔نجی ٹی وی کے مطابق پاکستان بار کونسل کا اجلاس ہوا جس میں ججز کے احتساب کے حق میں قرارداد پاس کی گئی۔ قرارداد میں کہا گیا ہے کہ اعلیٰ عدلیہ کے ججز کا احتساب نہ ہونے سے عوام کا اعتبار ختم ہو رہا ہے اور عدلیہ اپنا وقار کھو رہی ہے ۔
نجی ٹی وی کے مطابق پانامہ لیکس میں لاہور ہائیکورٹ کے جج جسٹس فرخ عرفان کا نام آیا ہے اس لئے ججز اور وکلاء کے احتساب کا عمل بھی تیز ہونا چاہئے۔ قرارداد میں کہا گیا ہے کہ سپریم جوڈیشل کونسل میں ججز کے خلاف شکایات عموماً التواء کے باعث غیر موثر ہو جاتی ہیں ۔(جاری ہے)
بعد ازاں ہنگامی پریس کانفرنس کرتے ہوئے پاکستان بار کونسل کے چیرمین ایگزیکٹو کمیٹی عبدالفیاض کا کہنا تھا کہ پاناما لیکس کے معاملے میں چیف جسٹس انور ظہیر جمالی نے نئی قانون سازی کا کہہ کر معاملہ دوبارہ حکومت کے حوالے کر دیا ہے، وزیراعظم اور اراکین اسمبلی کے خلاف تحقیقات 1985ء سے شروع کی جائیں، وزیر اعظم اور دیگر ارکان اسمبلی واضح کریں کے پیسہ کس ذرائع سے باہر بھجوایا گیا۔
انھوں نے کہا کہ سپریم کورٹ از خود نوٹس لے کر پاناما لیکس کے معاملے کی تحقیقات کرے کیونکہ چیف جسٹس کو آرٹیکل 184 تھری کے تحت معاملہ عدالت میں لانے اور حکم جاری کرنے کااختیار حاصل ہے۔چیرمین ایگزیکٹو کمیٹی پاکستان بار کونسل نے کہاکہ ازخود نوٹس لے کر وزیراعظم اور ان کے اہل خانہ سے انکوائری کا آغاز کیا جائے، ازخود نوٹس نہ لیا گیا تو پاکستان بار کونسل سپریم کورٹ میں درخواست دائر کرے گی۔ ان کا مزید کہنا تھا کہ پاناما لیکس کی تحقیقات میں الیکشن کمیشن اور ویلتھ ٹیکس میں دئیے گئے بیان حلفی کو منسلک کیا جائے، سیاستدانوں کے خلاف انکوائری سپریم کورٹ جب کہ کاروباری افراد سے دیگر حکومتی ادارے نمٹیں۔متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.