Live Updates

شہباز شریف کی پنجاب اسمبلی سے طویل غیر حاضری کے خلاف متحدہ اپوزیشن نے قرارداد جمع کرادی

ہفتہ 14 مئی 2016 14:11

لاہور(اُردو پوائنٹ اخبارتازہ ترین - آئی این پی۔14 مئی۔2016ء) شہباز شریف کی پنجاب اسمبلی سے طویل غیر حاضری کے خلاف متحدہ اپوزیشن نے قرارداد جمع کرادی۔ رواں سال وزیر اعلیٰ پنجاب نے صرف2اجلاسوں میں شرکت کی۔تفصیلات کے مطابق وزیراعلیٰ پنجاب میاں شہبازشریف کی اسمبلی سیطویل غیرحاضری متحدہ اپوزیشن نے وزیر اعلیٰ پنجاب کے خلاف قرارداد جمع کرادی۔

(جاری ہے)

قرارداد میں متحدہ اپوزیشن کی جانب سے کہا گیا ہے کہ وزیر اعلیٰ پنجاب کا صوبائی اسمبلی کے ساتھ رویہ انتہائی غیر سنجیدہ ہے۔پنجاب اسمبلی ذرائع کے مطابق وزیر اعلیٰ شہباز شریف نے رواں پارلیمانی سال کے دوران اب تک ہونے والے اجلاسوں میں صرف دو مرتبہ شرکت کی ہے۔وزیر اعلیٰ پنجاب مالی سال دوہزار پندرہ سولہ کے بجٹ کی منظوری کے موقع پر اسمبلی میں تشریف لائے تھے۔ وزیر اعلیٰ کی پنجاب اسمبلی سے مسلسل غیرحاضری کے حوالے سے قائد حزب اختلاف میاں محمود الرشید کی جانب سے گزشتہ اجلاس میں پوچھے جانے والے سوال پر بھی حکومتی جماعت نے سخت رویہ اختیار کیا تھا۔

Live وزیراعظم شہباز شریف سے متعلق تازہ ترین معلومات