بیٹے کی پہلی فلم اور انیل کپور کی گھبراہٹ

ہفتہ 14 مئی 2016 13:19

بیٹے کی پہلی فلم اور انیل کپور کی گھبراہٹ

ممبئی (اُردو پوائنٹ اخبارتازہ ترین - آئی این پی۔14 مئی۔2016ء) بولی وڈ کے معروف اداکار انیل کپور کی بیٹی سونم کپور کا شمار بولی وڈ کی بڑی اداکاراوٴں میں کیا جاتا ہے، وہیں ان کی دوسری بیٹی ریہاکپور بھی بولی وڈ کی مشہور پروڈیوسر اور ڈیزائنر مانی جاتی ہیں۔لیکن بیٹیوں کی کامیابی کے باوجود انیل کپور اپنے بیٹے کی ڈیبیو فلم کی وجہ سے گھبراہٹ کا شکار ہیں، جو جلد ہی ریلیز ہونے جارہی ہے۔

(جاری ہے)

انڈین ایکسپریس کی ایک رپورٹ کے مطابق انیل کپور اپنے بیٹے ہرش وردھن کپور کی پہلی فلم آنے پر پرجوش ہونے کے ساتھ کافی گھبرا بھی رہے ہیں۔ہرش وردھن کپور ہدایت کار راکیش اوم پراکاش مہرا کی رومانوی فلم ‘مرزیا’ سے بولی وڈ میں ڈیبیو کرنے جارہے ہیں اور انیل کپور اپنے بیٹے کی ڈیبیو فلم کے حوالے سے بالکل ویسا ہی محسوس کر رہے ہیں جیسا وہ اپنی ڈیبیو فلم کے وقت کر رہے تھے۔تاہم انیل کپور کے مطابق ان کے بیٹے ہرش کو سنیما کی اچھی پہچان ہے۔رپورٹس کے مطابق انیل کپور نے اپنی دو بڑی فلمیں ‘سلم ڈاگ ملینئیر’ اور ‘دل دھڑکنے دو’ اپنے بیٹے کے کہنے پر ہی سائن کی تھیں۔

متعلقہ عنوان :