” بیٹا رانگ نمبر نہیں بلکہ رائٹ نمبر تھا“
شہباز شریف کا امانت سکیم کی قرعہ اندازی کے خوش نصیبوں سے دلچسپ مکالمہ
جمعہ 13 مئی 2016 22:17
لاہور(اُردو پوائنٹ اخبارتازہ ترین - این این آئی۔13 مئی۔2016ء ) وزیراعلیٰ پنجاب محمد شہبازشریف اور امانت سکیم کے تحت پہلی اور دوسری قرعہ اندازی کے خوش نصیبوں کے مابین دلچسپ مکالمہ ہوا -وزیر اعلی نے دوسری قرعہ اندازی میں انعامات جیتنے والوں سے فون پر گفتگو کی اور انہیں مبارکباد دی- ٹیوٹا کرولا کار جیتنے والے عمر نامی شخص نے وزیر اعلی سے بات کرتے ہوئے کہا کہ مجھے یقین نہیں آرہا کہ میری گاڑی نکل آئی ہے - جس پر شہباز شریف نے کہا کہ آپ کی واقعی انعام میں کار نکلی ہے -جس پر عمر نے کہا کہ آپ کا بہت بہت شکریہ اور پوچھا کہ مجھے گاڑی کب ملے گی- وزیر اعلی نے کہا کہ آپ پنجاب ریونیو اتھارٹی کے دفتر رابطہ کریں گاڑی مل جائے گی-سوزوکی مہران کار جیتنے والی خاتون نے وزیر اعلی کو بتایا کہ ہمیں یقین ہے کہ جو کام آپ کرتے ہیں وہ شفاف اور میرٹ پر مبنی ہوتا ہے اسی لئے آج ہماری کار انعام میں نکلی ہے جو کہ بالکل شفاف طریقے سے ملی ہے - ہم آپ کے بہت شکر گزار ہیں -عمرے کے ٹکٹ جیتنے والوں سے گفتگو کرتے ہوئے وزیر اعلی نے کہا کہ میں شہباز شریف بول رہا ہوں - آپ کے عمرے کی ٹکٹ انعام میں نکلی ہیں -آپ عمرے کی سعادت حاصل کریں اور ملک و قوم کی ترقی و خوشحالی کے لئے دعا بھی کریں - وزیر اعلی نے پہلی قرعہ اندازی کے خوش نصیبوں میں گاڑیوں اور موٹرسائیکلوں کی چابیاں اور عمرے کے ٹکٹ تقسیم کئے اور ان سے گفتگو بھی کی- اس موقع پر موٹر سائیکل جیتنے والے عامر رفیق کو موٹر سائیکل کی چابی دیتے ہوئے کہا کہ یہ میرے استاد ہیں اور مجھے جرمن زبان پڑھاتے تھے اور آج ان کا انعام نکلا ہے -جس پر میں انہیں مبارکباد دیتا ہوں-سوزوکی مہران کار کی چابی وصول کرنے والی کرن مسعود سے گفتگو کرتے ہوئے وزیر اعلی نے کہا کہ گزشتہ ماہ جب آپ کو فون کیا تو آپ نے رانگ نمبر کہہ کرفون بند کر دیا تھا- لیکن بیٹا یہ رانگ نمبر نہیں تھا بلکہ رائٹ نمبر ہے جس پر کرن مسعود نے کہا کہ وزیر اعلی صاحب یہ واقعی رائٹ نمبر ہے کہ مجھے کار انعام میں ملی ہے - ہنڈا سٹی کار کا انعام وصول کرنے والے سلمان فرخ کا کہنا تھا کہ جب گزشتہ ماہ وزیر اعلی نے فون کیا تو اس وقت یقین نہیں آرہا تھا کہ میرے ساتھ کیا ہو گیا ہے - لیکن اب اس سکیم کی شفافیت کا پورا یقین ہے - میری عوام سے درخواست ہے کہ وہ بھی ریسٹورنٹ سے پکی رسیدیں لیں اور انعامات جیتیں-ٹیوٹا کرولا کار کا انعام حاصل کرنے والے محمد حسین بھٹی نے کہا کہ پنجاب حکومت کی طرح دیگر صوبے بھی اسی طرح کی سکیم کا آغاز کریں کیونکہ اس سے نہ صرف ٹیکس کلچر کو فروغ ملے گا بلکہ عوام کا حکومت پر اعتماد بھی بڑھے گا-آپ سب کو ایسے ریسٹورنٹ سے کھانا کھانا چاہیے جہاں یہ نیا نظام متعارف کرایا گیا ہے-وزیر اعلی نے کہا کہ یہ ایک انتہائی شفاف نظام ہے جس کے ذریعے ٹیکس کلچر کو فروغ دیا جا رہا ہے -
مزید قومی خبریں
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.