پارہ چنار میں تحریک الحسینی کے کارکنوں اور سکیورٹی فورسز کے درمیان جھڑپوں کے بعد غیر اعلانیہ کرفیو
میاں محمد ندیم جمعرات 12 مئی 2016 21:55
پارہ چنار(ا ردو پوائنٹ اخبارتازہ ترین-انٹرنیشنل پریس ایجنسی۔12مئی۔2016ء) قبائلی علاقے کرم ایجنسی کے ہیڈ کواٹر پارہ چنار میں تحریک الحسینی کے کارکنوں اور سکیورٹی فورسز کے درمیان جھڑپوں کے بعد جمعرات کے روز غیر اعلانیہ کرفیو نافذ رہا۔پارہ چنار میں گذشتہ روز تحریک الحسینی کے کارکنوں اور سکیورٹی فورسز کے درمیان جھڑپ میں 3 افراد ہلاک اور11 زخمی ہو گئے تھے۔
یہ جھڑپ کچھ علما کو پاڑہ چنار میں داخلے کی اجازت نہ دینے پر شروع ہوئی تھی۔ تحریک الحسینی نے اس واقعے کے خلاف تین روزہ سوگ کا اعلان کیا ہے۔جمعرات کو شہر میں حالات انتہائی کشیدہ رہے اور صبح کے وقت بازار اور کاروباری مراکز جزوی طور پر بند تھے جس کے بعد انتظامیہ نے تمام کاروباری مراکز بند کرا دیے۔(جاری ہے)
پارہ چنار میں آج تمام تعلیمی ادارے بھی بند رہے۔
انتطامیہ نے شہر میں گاڑیوں کے داخلے پر پابندی عائد کی تھی جس کی وجہ سے شہر میں ٹریفک بھی معمول سے کافی کم رہی۔ سکیورٹی اہلکاروں نے دو درجن سے زیادہ افراد کو گرفتار کیا ہے۔گذشتہ روز ہلاک ہونے والے افراد کی تدفین آج ان کے آبائی قبرستان میں کر دی گئی۔تحریک الحسینی کے رہنماو¿ں کا کہنا ہے اپنے جائز حقوق کے لیے آواز اٹھانا ان کا حق ہے اور پرامن مظاہرین پر فائرنگ کرنا ظلم ہے۔حالات اس وقت کشیدہ ہوئے جب تحریک الحسینی کے جلسے میں شرکت کے لیے کچھ علما پارہ چنار آ رہے تھے اور انھیں انتظامیہ نے شہر سے باہر چیک پوسٹ پر روک کر واپس بھیج دیا۔تحریک کے کارکنوں نے اس پر دھرنا دیا جسے منتشر کرنے کے لیے سکیورٹی اہلکاروں نے آنسو گیس کے شیل پھینکے جس کے بعد مظاہرین اور سکیورٹی فورسز کے درمیان فائرنگ ہوئی۔ انتطامیہ کا کہنا ہے کہ ہلاکتیں مظاہرین کی فائرنگ سے ہوئیں۔سکیورٹی فورسز کے مطابق انھیں اطلاع موصول ہوئی تھی کہ کچھ علما پاڑہ چنار میں اشتعال انگیز تقاریر کر سکتے ہیں اس لیے علاقے میں امن کے قیام کے لیے ان علما کو شہر میں داخلے کی اجازت نہیں دی گئی۔مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.