عمران خان کو وزیر اعظم بننے سے دنیا کی کوئی طاقت نہیں روک سکتی ‘چوہدری محمدسرور

حکمران نااہلیوں کے ریکارڈ قائم کر رہے ہیں‘20مئی کو تحر یک انصاف کا فیصل آباد میں تاریخی اور شاندار جلسہ ہوگا ملکی مسائل کا حل صرف تحر یک انصاف اور عمران خان کے پاس ہے ‘سابق گور نر پنجاب کی گفتگو

جمعرات 12 مئی 2016 18:12

لاہور(اُردو پوائنٹ اخبارتازہ ترین - آن لائن۔12 مئی۔2016ء) سابق گور نر پنجاب چوہدری محمدسرور نے کہا ہے کہ (ن) لیگ والوں کی ”خام خیالی“ہی انکی سیاسی موت ثابت ہوگی ‘بجلی کی لوڈشیڈ نگ ہی حکمرانوں کی اصل پہچان بن چکی ہے‘کر پٹ حکمرانوں نے ملک کو کر پشن کا ”گڑھ “بنادیا ہے ‘حکمران نااہلیوں کے ریکارڈ قائم کر رہے ہیں ُآئندہ عام انتخابات میں عمران خان کو وزیر اعظم بننے سے دنیا کی کوئی طاقت نہیں روک سکتی ‘20مئی کو تحر یک انصاف کا فیصل آباد میں تاریخی اور شاندار جلسہ ہوگا ملکی مسائل کا حل صرف تحر یک انصاف اور عمران خان کے پاس ہے ۔

جمعر ات کے روز گفتگو کرتے ہوئے سا بق گور نر پنجاب چوہدری محمدسرور نے کہا کہ (ن) لیگ والے ہمیشہ کیلئے اقتدارمیں رہنے کے خواب دیکھ رہے مگر انکو ایک بات یاد رکھنا چاہیے کہ انکو انکی یہی خام خیالی ہی اقتدار کے ایوانوں سے ہمیشہ کیلئے باہر نکال دیں گی ۔

(جاری ہے)

انہوں نے کہا کہ پاکستان کے عوام تحریک انصاف اور عمران خان کی پا لیسوں کو مکمل سپورٹ کرتے ہیں او ر تبدیلی کی جنگ میں تحر یک انصاف کے ساتھ ہیں اور آئندہ عام انتخابات میں تحر یک انصاف کا میابی حاصل کر یگی اس لیے دنیا کی کوئی طاقت عمران خان کو وزیر اعظم بننے سے نہیں روک سکتی ۔

انہوں نے کہا کہ (ن) لیگ والوں نے اقتدار میں آنے سے پہلے ملک کو چھ ماہ میں بجلی کی لوڈشیڈ نگ سے نجات دلانے کا وعدہ کیا مگر آج انکے اقتدار میں تین سال ہو رہے ہیں لیکن اسکے باوجود ملک میں بدترین لوڈشیڈ نگ جاری ہے جسکی وجہ سے عوام آج لوڈشیڈ نگ کے خلاف احتجاج کر نے پر مجبور ہیں ۔ انہوں نے کہا کہ20مئی کو تحر یک انصاف کا فیصل آباد میں تاریخی اور شاندار جلسہ ہوگا اور چےئر مین تحر یک انصاف عمران خان اہم خطاب کر یں گے ۔