قوام متحدہ کا مقصد عالمی سطح پر جرائم کو روکنا اور دنیا میں امن وامان یقینی بنانا ہے ‘ ملیحہ لودھی
تنازعات کو عالمی عدالت انصاف میں لے جانے میں ہچکچاہٹ کیوں ہے؟ خطاب
جمعرات 12 مئی 2016 14:30
جنیوا(اُردو پوائنٹ اخبارتازہ ترین - این این آئی۔12 مئی۔2016ء) اقوام متحدہ میں پاکستانی مندوب ملیحہ لودھی نے کہاہے کہ اقوام متحدہ کا مقصد عالمی سطح پر جرائم کو روکنا اور دنیا میں امن وامان یقینی بنانا ہے ‘تنازعات کو عالمی عدالت انصاف میں لے جانے میں ہچکچاہٹ کیوں ہے؟۔اقوام متحدہ کی جنرل اسمبلی میں ہونے والے مباحثہ میں اظہار خیال کرتے ہوئے کہا کہ عالمی امن و سلامتی کو نئے خطرات درپیش ہیں ‘ دنیا میں امن یقینی بنانا اقوام متحدہ کی ذمہ داری ہے۔
انہوں نے کہا کہ تنازعات کے حل میں یو این کی ناکامی دہرے معیار میں آتی ہے ‘فوجی جارحیت ،بیرونی مداخلت کو نظر انداز کرنا بھی دہرا معیار ہے۔انہوں نے کہا کہ اقوام متحدہ کا مقصد عالمی سطح پر ہونے والی ناانصافیوں کو روکنا ہے تو پھرغیر ملکی تسلط اور حق خودارادیت سے انکار کیوں ہے؟۔(جاری ہے)
انہوں نے کہاغیر ملکی تسلط اور حق خودارادیت سے انکار نہیں کیا جانا چاہئے۔
انہوں نے کہاکہ کشمیریوں اور فلسطینیوں کو حق خود ارادیت سے انکار جاری رہتا ہے اور طویل عرصہ سے حل طلب یہ دونوں مسائل حل نہیں ہوتے تو یہ اقوام متحدہ کی طرف سے دہرے معیار کا مظاہرہ ہوگا۔ انہوں نے عالمی ادارہ سے مطالبہ کیا کہ وہ کشمیریوں اور فلسطینیوں کے ساتھ اپنی قراردادوں میں کئے گئے وعدے پورے کرے۔ پاکستانی مندوب نے کہا کہ عالمی ادارہ اس وقت دنیا کو درپیش، اسلام فوبیا، عدم برداشت، دہشت گردی، امتیازی سلوک اورغیرملکیوں سے نفرت جیسے چیلنجز کا مقابلہ کرنے کیلئے تعاون پرمبنی موثر اقدامات کرے۔ پاکستانی مندوب نے یاد دہانی کرائی کہ ریاستوں کی خودمختاری کے لحاظ سے مساوات، بین الاقوامی تنازعات کا پرامن حل، طاقت کے استعمال اور اس کے استعمال کی دھمکی سے گریز اقوام متحدہ کے چارٹر میں موجود بنیادی اصول ہیں۔ عالمی ادارے کے قیام کا مقصد ہی ان نا انصافیوں کو روکنا تھا جن کا آج کشمیر و فلسطین کے باشندے سامنا کررہے ہیں۔ انہوں نے سوال کیا کہ کیا یہ نا انصافیاں روکنا ہماری اجتماعی ذمہ داری نہیں۔ انہوں نے یہ سوال بھی کیا کہ سلامتی کونسل ان معاملات کو بین الاقوامی عدالت انصاف کو ریفر کیوں نہیں کرتی اورجنرل اسمبلی کو عالمی امن وسلامتی کے حوالے سے اپنی سفارشات دینے کی ذمہ داری ادا کرنے سے کیوں روکا جاتا ہے؟اگر ان سوالات کے جواب نہیں دیئے جاتے تو عالمی برادری اقوام متحدہ کو چند طاقتوں کے ہاتھوں میں سیاسی آلہ کار سے زیادہ کچھ نہیں سمجھے گی اور اس سے عالمی ادارے کی ساکھ متاثر ہوگی۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.