بھارت جموں و کشمیر کی تہذیبی اور ثقافتی شناخت مسخ کرنے کیلئے اوچھے ہتھکنڈے استعمال کر رہا ہے،میر واعظ عمرفاروق کا عوامی اجتماع سے خطاب
جمعرات 12 مئی 2016 13:13
سرینگر ۔ 12 مئی (اُردو پوائنٹ اخبارتازہ ترین - اے پی پی۔12 مئی۔2016ء) مقبوضہ کشمیرمیں اپنے حریت فورم کے چیئرمین میر واعظ عمرفاروق نے کہاہے کہ بھارت اور اسکی کٹھ پتلی انتظامیہ جموں و کشمیر کے مخصوص سیاسی تشخص ، تہذیبی اور ثقافتی شناخت کو مسخ کرنے کیلئے ہرقسم کے اوچھے ہتھکنڈے استعمال کر رہی ہے۔کشمیرمیڈیاسروس کے مطابق میر واعظ نے سرینگر کے علاقے نور باغ میں ایک عوامی اجتماع سے خطاب کرتے ہوئے کہاکہ بھارت حکومت اور کٹھ پتلی انتظامیہ جموں کشمیر کے انتظامی اور تعلیمی اداروں پر اپنی گرفت مضبوط کرنے کیلئے ہر حربہ بروئے کار لا رہے ہیں تاکہ مقبوضہ علاقے کی خصوصی حیثیت اور کشمیری عوام کا ان اداروں پر حاصل اختیارات کو محدود کیا جاسکے۔
انہوں نے کہاکہ کٹھ پتلی حکمرانوں کے شہری اور دیہی علاقوں سے بھارتی فوجی کیمپ اور بنکر ہٹانے کے بلندو بانگ دعوے جھوٹے ثابت ہو ئے ہیں۔(جاری ہے)
انہوں نے کہا کہ شہر و گام میں موجود فوجی کیمپ اور بنکر کلر کیمپوں کی صورت اختیار کر کے بے گناہ کشمیریوں کے قتل عام کا باعث بن رہے ہیں ۔ انہوں نے کہا کہ کٹھ پتلی وزیر اعلیٰ کو چاہئے کہ وہ ان کیمپوں اور بنکروں کو ہٹانے کیلئے محض تجاویز دینے کی بجائے عملی اقدامات کرے۔
انہوں نے کہا مقبوضہ کشمیر سے بھارتی فوجی انخلا کے بغیر مسئلہ کشمیر کے حل کیلئے سازگارماحول قائم نہیں ہو سکتا۔ میرواعظ نے نہتے کشمیریوں کے قتل میں ملوث فورسز اہلکاروں کو سزادینے کے حوالے سے سرکاری سطح پر قائم تحقیقاتی کمیشنوں کو ان خونین واقعات سے توجہ ہٹانے کی ایک کوشش قرار دیا۔ انہوں نے کہاکہ ہندواڑہ میں 5بے گناہ کشمیریون کے قتل میں ملوث اہلکاروں کو ابھی تک کیوں عدالت کے کٹہرے میں کھڑا نہیں کیا گیا۔ انہوں نے کہاکہ کشمیریوں کی سیاسی ، تہذیبی اور ثقافتی شناخت کو مسخ کرنے کی کسی بھی کوشش کے خلاف بھرپور مذاحمتی تحریک شروع کی جائیگی ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.