نیب ذمہ دار ہے کہ نواز شریف کے خلاف ایکشن لے،انکوائری کمیشن میں دیر لگ سکتی ہے،نیب میں کیس جائیگا تو ہفتوں میں تحقیقات ہوجائینگی،عمران خان
سنہری موقع ہے ہم ملک تقدیر بدل سکتے ہیں،نواز شریف قوم سچ پوچھنا چاہتی ہے کہ آپ کے اثاثے کہاں ہیں، جس ملک کا حکمران کرپٹ ہوتا ہے اس ملک کا سارا نظام کرپٹ ہوجاتا ہے،مولانا فضل الرحمن اپنی پارٹی کا نام تبدیل کرلو اس کا نام کرپشن بچاؤ بلکہ نواز شریف کی کرپشن بچاؤ پارٹی رکھ لو،مجھے نیا پاکستان نظر آرہا ہے،نواز شریف جتنے مرضی جلسے کر لو لیکن آپ کو جواب دینا پڑے گا۔ تحریک انصاف کے چیئرمین عمران خان کابنوں میں عوامی جلسہ سے خطاب
ثنااللہ ناگرہ بدھ 11 مئی 2016 16:49
بنوں( اردوپوائنٹ اخبارتازہ ترین۔11مئی۔2016ء) :پاکستان تحریک انصاف کے چیئرمین عمران خان نے پاناما لیکس کی تحقیقات کیلئے انکوائری کمیشن کی بجائے نیب کو ذمہ دار ٹھہراتے ہوئے کہا ہے کہ نیب ذمہ دار ہے کہ نواز شریف کے خلاف ایکشن لے، انکوائری کمیشن میں دیر لگ سکتی ہے، نیب میں کیس جائیگا تو ہفتوں میں تحقیقات ہوجائینگی، سنہری موقع ہے کہ ہم ملک کی تقدیر بدل سکتے ہیں اورنیا پاکستان بنا سکتے ہیں،عوام حق سچ کے ساتھ کھڑے ہوجائیں،ملک کو کرپشن دیمک کی طرح کھا رہی ہے ،میاں نواز شریف کا احتساب ہونا چاہیے،نواز شریف قوم سچ پوچھنا چاہتی ہے کہ آپ کے اثاثے کہاں ہیں، جس ملک کا حکمران کرپٹ ہوتا ہے اس ملک کا سارا نظام کرپٹ ہوجاتا ہے۔
انہوں نے بنوں میں عوامی جلسہ سے خطاب کرتے ہوئے کہا کہ بنوں کے عزیز ساتھیو میں آج بنوں اس لیے آیا کہ میاں نواز شریف اسی جگہ تمبوں میں جلسہ کررہے تھے ۔(جاری ہے)
ان کے ساتھ کالی عینکیں لگا کر ایک طرف اکرم درانی دوسری طرف مولانا فضل الرحمن تھے۔انہوں نے مجھے للکارا اور سخت باتیں کیں۔بنوں کے لوگوں کو پتا ہونا چاہیے کہ پاکستان میں کیا ہورہا ہے۔
سنہری موقع ہے کہ ہم تقدیر بدل سکتے ہیں۔نیا پاکستان بنا سکتے ہیں۔حق سچ کے ساتھ کھڑے ہوجائیں۔ملک کو کرپشن دیمک کی طرح کھا رہی ہے میاں نواز شریف کا احتساب کریں۔ہم ان سے کہیں کہ قوم سچ پوچھنا چاہتی ہے۔کہ آپ کے اثاثے کہاں ہیں۔انہوں نے کہا کہ جس ملک کا حکمران کرپٹ ہوتا ہے اس ملک کا سارا نظام کرپٹ ہوجاتا ہے۔عمران خان نے کہا کہ ہماری ایشیا کہ بہترین سول سروس،ادارے انٹرنیشنل سطح کی تھی،پی آئی اے دنیا کی ٹاپ ایئرلائن تھی،پاکستان پر سب کو فخر تھا ایک دن پھر پاکستان دنیا کا رول ماڈل بنے گا۔انہوں نے کہا کہ ہمارے ساتھ دو ملک سنگا پور اور ملیشیاء اوپر جانے لگ گئے اور پاکستان نیچے آگیا۔وہاں عظیم ایماندار لیڈر آئے،وہ کرپٹ نہیں تھے۔دونوں نے اپنے ادارے مضبوط کیے،کرپشن ختم کی۔سنگا پور میں تین حاضر وزیروں کو کرپشن کے باعث نکال دیا۔ان ممالک کے عروج کی وجہ لیڈرشپ تھی۔بدقسمتی سے پاکستان کو نواز شریف ملا جس نے 81ء سے شروع ہوکر 98ء تک 28فیکٹریاں بنالیں۔انہوں نے کہا کہ نواز شریف قوم آپ سے سچ جاننا چاہتی ہے۔عمران خان نے کہا کہ ملک ٹھیک کرنے کیلئے دو کام کرنا ہیں۔اس کے لیے پیسہ چاہیے جبکہ پیسہ تب آئیگا جب پیسے والے ٹیکس دینگے،لیکن وہ ٹیکس نہیں دیتے بلکہ ٹیکس تو آپ دیتے ہیں۔عوام17فیصد سیلز ٹیکس دیتے ہیں۔ٹیکس نواز شریف نہیں لے سکتا کیونکہ نواز شریف خود ٹیکس چوری کرتا ہے۔لیکن غریب عوام ہر چیز پر ٹیکس دیتی ہے۔انہوں نے کہا کہ کرپشن ختم کرکے بڑے لوگوں سے ٹیکس اکٹھا کر کے دکھاؤنگا۔کرپشن تب ختم ہوگی جب پٹواریوں کو نہیں بلکہ بڑے لوگوں کو پکڑا جائیگا۔اسحاق ڈار کہتا ہے کہ پاکستانیوں کا200ارب ڈالر باہر پڑا ہے۔یہ پیسہ تب پاکستان میں آئیگا جب نواز شریف اپنا پیسہ ملک میں لے کے آئینگے۔انہوں نے کہا کہ پاکستانیوں کا جائز پیسہ ہم واپس لے کر آئینگے۔انہوں نے کہا کہ نیب ذمہ دار ہے کہ نواز شریف کے خلاف ایکشن لے۔نیب کے سامنے سارے ثبوت آگئے ہیں۔انہوں نے پاکستانیوں سے کہا کہ نیب کو خط لکھو کہ اپنی ذمہ داری کیوں پوری نہیں کررہے ہو۔انہوں نے کہا کہ انکوائری کمیشن میں دیر لگ سکتی ہے لیکن نیب میں کیس جائیگا تو نیب کی جلد احتساب کرنے کی ذمہ داری بن جائیگی ۔انہوں نے مولانا فضل الرحمن سے کہا کہ اپنی پارٹی کا نام تبدیل کرلو اس کا نام کرپشن بچاؤ بلکہ نواز شریف کی کرپشن بچاؤ پارٹی نام رکھ لو۔انہوں نے کہا کہ اسلام اور علماء کا نام بدنام نہ کرو۔انہوں نے درانی سے کہا کہ آپ کے پاس اتنا پیسہ کہاں سے آگیا کہ آپ رشوت سے ہماری حکومت گرانے کے قابل ہوگئے ہو۔انہوں نے کہا کہ مجھے نیا پاکستان نظر آرہا ہے۔جتنے مرضی جلسے کر لو لیکن آپ کو جواب دینا پڑے گا۔عمران خان نے کہا کہ میاں والی کے لوگو سن لو،پرویز خٹک کی حکومت نے چشمہ کا فیصلہ کرلیا ہے۔زمینیں سیراب ہونگی اورخوشحالی آئیگی۔متعلقہ عنوان :
مزید اہم خبریں
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
حکومت اور اپوزیشن اراکین میں قائمہ کمیٹیوں کی تقسیم کا فارمولا تیار
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.