وفاقی سیکرٹری صنعت و پیداور کا پاکستان اسٹیل کے سی ای او کی اضافی ذمہ داریاں سنبھالنے کے بعد سٹیل ملزکا دورہ
پاکستان اسٹیل کے ملازمین کی تنخواہوں کی بروقت ادائیگی اور ریٹائرڈ ملازمین کے واجبات کی ادائیگی، وزارتِ صنعت و پیداوار حکومت پاکستان اور موجودہ انتظامیہ پاکستان اسٹیل کی ترجیحات میں شامل ہیں، فروری ، مارچ اور اپریل کی تنخواہوں کی ادائیگی کے لئے جامع سمری وزارتِ نجکاری کمیشن اور خزانہ کو ارسال کی چکی ہے، خضر گوندل کا اجلاس سے خطاب
پیر 9 مئی 2016 20:51
کراچی(اُردو پوائنٹ اخبارتازہ ترین - آئی این پی۔09 مئی۔2016ء) وفاقی سیکرٹری صنعت و پیداور خضر حیات گوندل نے کہا ہے کہ پاکستان اسٹیل کے ملازمین کی تنخواہوں کی بروقت ادائیگی اور ریٹائرڈ ملازمین کے واجبات کی ادائیگی، وزارتِ صنعت و پیداوار حکومت پاکستان اور موجودہ انتظامیہ پاکستان اسٹیل کی ترجیحات میں شامل ہیں۔ وہ پیر کو پاکستان اسٹیل کے چیف ایگزیکٹو آفیسر کی اضافی ذمہ داریاں سنبھالنے کے بعد پاکستان اسٹیل کے اوّلین دورے کے موقع پر ادارے کے سینئر افسران سے آپریشنز بلڈنگ ، بن قاسم کراچی میں ایک اجلاس سے خطا ب کررہے تھے ۔
انہوں نے کہا کہ پاکستان اسٹیل کے ملازمین کو 2 ماہ کی تنخواہوں کی ایک ہفتے کے دوران ادائیگی کے لئے تیز تر اقدامات کئے گئے ہیں جبکہ بقیہ 3 مہینوں (فروری ، مارچ اور اپریل2016 ء) کی تنخواہوں کی ادائیگی کے لئے ایک جامع سمری وزارتِ نجکاری کمیشن اور وزراتِ خزانہ حکومت پاکستان کو ارسال کی چکی ہے۔(جاری ہے)
ماہ مئی2016 ء کے اواخر میں کابینہ کی اقتصادی رابطہ کمیٹی (ای سی سی ) سے منظور ی حاصل کرکے جلد تنخواہوں کی ادائیگی کی جاسکے گی۔
علاوہ ازیں، پاکستان اسٹیل کے ریٹائرڈ ملازمین کے واجبات کی ادائیگی کیلئے بھی رقم مختص کرانے کیلئے ایک اور سمری پیش کردی گئی ہے۔چیف ایگزیکٹو آفیسر پاکستان اسٹیل نے مزید کہا کہ پاکستان اسٹیل کے ملازمین تنخواہوں کی ادائیگی میں تاخیر کے باعث جن مشکلات کا سامنا کررہے ہیں، وزارتِ صنعت و پیداوار حکومت پاکستان کو اِس اَمر کا بخوبی اِدراک ہے،اِس موقع پر خضر حیات گوندل نے کہا کہ پاکستان اسٹیل کے ملازمین کی تحمل مزاجی قابلِ ستائش ہے ۔ انہوں نے کہا کہ وزارت صنعت و پیداوار کے سیکریٹری کی ذمہ داریاں سنبھالنے کے فوراً بعد گذشتہ 8 برسوں سے مسائل میں گھِرے ہوئے پاکستان اسٹیل کے چیف ایگزیکٹو آفیسر کی اضافی ذمہ داریاں سنبھالنا بہت بڑا چیلنج ہے۔انہوں نے مزید کہا کہ پاکستان اسٹیل کی بحالی اور بہتری کے لئے فوری اور ضروری اقدامات کرنے پر ہماری بھرپور توجہ مرکوز ہے، اُمید ہے اِن اقدامات کی بدولت قومی ادارہ پاکستان اسٹیل اور اس کے ملازمین استفادہ کریں گے، وفاقی سیکریٹری صنعت و پیداوار اور سی ای او پاکستان اسٹیل خضر حیات گوندل نے پاکستان اسٹیل کے پیداواری کارخانوں اور ڈاؤن اسٹریم انڈسریل اسٹیٹ کادورہ بھی کیا۔مزید اہم خبریں
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.