ملائشیا کا سرکردہ گروپ آف کمپنیز لاہور میں جدید تفریحی پارک تعمیر کرنے پر رضامند
پارک کے لیے 300 ایکڑ اراضی درکار ہو گی، موٹر وے کے قریب کوئی جگہ بہترین رہے گی، ملائشین وفد وزیر اعلیٰ نے صوبے میں سیاحت کے شعبے میں سرمایہ کاری کے لیے بھرپور تعاون کا یقین دلایا ہے، مس آمنہ چیمہ
پیر 9 مئی 2016 19:38
لاہور (اُردو پوائنٹ اخبارتازہ ترین - آئی این پی۔09 مئی۔2016ء) ملائیشیا کے ایک بڑے گروپ آف کمپنیز نے لاہور میں خصوصی تفریحی پارک قائم کرنے میں حتمی دلچسپی کا اظہار کر دیا ہے ایشیئن ریٹیل چینز اینڈ فرنچائز فیڈریشن نامی گروپ کے نمائندوں نے گزشتہ روز پنجاب سرمایہ کاری بورڈ (پی بی آئی ٹی ) کے دفتر کا دورہ کیا اور تفریحی پارک کے منصوبے میں گہری دلچسپی دکھائی۔
وفد کے اراکین نے پی بی آئی ٹی کی ٹیم کو بتایا کہ اس منصوبے کے لیے ایسی جگہ پر 300 ایکڑ زمین درکار ہو گی جہاں بہ آسانی رسائی ممکن ہو، اور موٹر وے کے قریب کا کوئی مقام بہترین رہے گا۔وفد کے اراکین یہ معلوم کرنے میں دلچسپی رکھتے تھے کہ زمین کی قیمت، نئی کے علاوہ پرانی مشینری کی درآمد پر ٹیکس کی چھوٹ اور دیگر رعایتیں کیا ہوں گی۔(جاری ہے)
گروپ نے پنجاب میں ملازمین کو تربیت دینے کے لیے حکومت سے لائسنس لینے میں دلچسپی بھی دکھائی۔
پنجاب سرمایہ کاری بورڈ کی چیف ایگزیکٹو آفیسر مس آمنہ چیمہ نے کہا کہ وزیر اعلیٰ پنجاب میاں شہباز شریف نے پنجاب میں سیاحت کے شعبے میں سرمایہ کاری کے لیے بھرپور تعاون کا یقین دلایا ہے۔ انھوں نے گروپ سے کہا کہ وہ اپنی تجاویز اور سوالات پنجاب سرمایہ کاری بورڈ کو پیش کریں تاکہ اُنھیں متعلقہ حکام تک پہنچایا جا سکے۔ پی بی آئی ٹی ٹیم نے وفد کے اراکین کو منصوبے کی فیزیبلٹی کے حوالے سے اپنے بھرپور تعاون کا یقین دلایا۔ اس منصوبے میں تفریحی پارک کے ساتھ منسلک دکانیں (ریٹیل آؤٹ لیٹ) بھی شامل ہیں۔ بورڈ نے ملائشیین گروپ کا رابطہ پی ایچ اے، ایل ڈی اے، ایس ای سی پی، ایف بی آر اور کسٹمز جیسے سرکاری محکموں کے ساتھ کروانے پر آمادگی بھی ظاہر کی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.