Live Updates

وزیراعظم کا نام پانامہ لیکس میں دور دور تک نہیں، پرویز رشید

، اپوزیشن سیاسی انتقام اور شکست کا بدلہ لینا چاہتی ہے، عمران خان جس لہجے میں ہم سے سوال کرتے ہیں اسی طرح اپنے رفقاء سے بھی پوچھیں، وفاقی وزیر اطلاعات و نشریات سینیٹر پرویز رشید کاپانامہ لیکس کے دوسرے انکشافات پر رد عمل

پیر 9 مئی 2016 14:00

وزیراعظم کا نام پانامہ لیکس میں دور دور تک نہیں، پرویز رشید

اسلام آباد (اُردو پوائنٹ اخبارتازہ ترین - آئی این پی۔09 مئی۔2016ء) وفاقی وزیر اطلاعات و نشریات سینیٹر پرویز رشید نے کہا ہے کہ وزیراعظم نواز شریف کا نام پانامہ لیکس میں دور دور تک نہیں ہے، اپوزیشن سیاسی انتقام اور شکست کا بدلہ لینا چاہتی ہے، عمران خان جس لہجے میں ہم سے سوال کرتے ہیں اسی طرح اپنے رفقاء سے بھی پوچھیں۔

(جاری ہے)

پیر کو پانامہ لیکس کے دوسرے انکشافات پر رد عمل دیتے ہوئے سینیٹرپرویز رشید نے کہا کہ اپوزیشن کا مقدمہ پہلے دن سے ہی جھوٹے الزامات پر بنایا گیا، وزیراعظم نواز شریف کا نام پانامہ لیکس میں دور دور تک نہیں ہے۔

انہوں نے کہا کہ اپوزیشن پانامہ لیکس کی تحقیقات کے حوالے سے سنجیدہ نہیں ہے، اپوزیشن سیاسی انتقام اور 2013 کے الیکشن میں شکست کا بدلہ لینا چاہتی ہے۔ پرویز رشید نے کہا کہ مسلم لیگ (ن) 2018 کے انتخابات میں بھی کامیابی حاصل کرے گی، عمران خان جس لہجے میں ہم سے سوال کرتے تھے اسی طرح اپنے رفقاء سے بھی پوچھیں، امید ہے کہ وزیراعظم نواز شریف کی طرف دوسرے بھی اپنے اعمال کا حساب قوم کے سامنے پیش کریں گے

Live عمران خان سے متعلق تازہ ترین معلومات