ٹیوٹا نے 17شہروں میں 6ماہ دورانیہ کے فری سولر ٹریننگ کورس کا آغاز کر دیا‘ عرفان قیصر شیخ

پیر 9 مئی 2016 13:27

لاہور ( اُردو پوائنٹ اخبارتازہ ترین - این این آئی۔09 مئی۔2016ء) چیئرپرسن ٹیوٹا عرفان قیصر شیخ نے کہا ہے کہ ٹیوٹا نے 17شہروں میں 6ماہ دورانیہ کے فری سولر ٹریننگ کورس کا آغاز کر دیا،3000افراد ایک سال کے دوران سولر فوٹو وولٹیک سسٹم برائے پاور جنریشن کورس میں ٹریننگ حاصل کرینگے۔ان خیالات کا اظہار انہوں نے سولر ٹیکنالوجی کے تربیتی کورس کے بارے منعقدہ اجلاس سے خطاب کرتے ہوئے کیا۔

اجلاس میں چیف آپریٹنگ آفیسر جواد احمد قریشی اور دیگر افسران بھی میں موجود تھے۔عرفان قیصر شیخ نے کہا کہ یہ کورس ٹیوٹا اداروں لاہور ، فیصل آباد، گجرات، گوجرانوالہ، ساہیوال، شیخوپورہ، قصور، ٹیکسلا، چکوال، سرگودھا، اٹک، بہاولپور ، ملتان، رحیم یار خان، بہاولنگر، خانیوال اور مظفر گڑھ میں شروع کیا گیا ہے۔

(جاری ہے)

اس کورس میں داخلہ لینے والوں سے کوئی فیس وصول نہیں کی جارہی ہے جبکہ دوران ٹریننگ ایک ہزار روپے وظیفہ بھی دیا جا رہا ہے۔

اس کورس میں میٹرک یا مڈل بمع الیکٹریشن کورس داخلہ لینے کے اہل ہیں۔ اس کورس میں 16تا 25سال عمر کے نوجوان داخلہ لینے کے اہل ہیں۔یہ کورس اگلے مرحلے میں مزید شہروں میں بھی شروع کیا جائے گا۔چیئرپرسن ٹیوٹا نے مزید کہاکہ تربیت حاصل کرنے والے سولر ٹیکنالوجی کے فروغ میں کردار ادا کریں گے۔ٹیوٹا نے یہ پراجیکٹ حکومت پنجاب کی پالیسی کے مطابق شروع کیا گیا ہے تاکہ اس کورس کے ذریعے شمسی توانائی کو صوبہ بھر میں فروغ دینے کیلئے ٹیوٹا اپنا کردار ادا کرے۔

Facebook Twitter Google + Share on Whatsapp

ٹیوٹا نے 17شہروں میں 6ماہ دورانیہ کے فری سولر ٹریننگ کورس کا آغاز کر دیا‘ عرفان قیصر شیخ

متعلقہ عنوان :

مزید قومی خبریں