خوش نصیب عازمینِ حج کو مبارک باد، پنجاب آئی ٹی بورڈ فریضہء حج کی ادائیگی کو ہر ممکن آسان بنا رہا ہے‘ ڈاکٹر عمر سیف
شفاف قرعہ اندازی میں نام آتے ہی 69ہزار سے زائدخوش نصیبوں کوگھر بیٹھے اطلاع مل گئی،خوشی ہے پی آئی ٹی بی کے کام سے وفاق سمیت دیگر صوبے بھی مستفید ہو رہے ہیں‘اجلاس سے خطاب
جمعہ 6 مئی 2016 20:03
لاہور ( اُردو پوائنٹ اخبارتازہ ترین - این این آئی۔06 مئی۔2016ء) پنجاب انفارمیشن ٹیکنالوجی بورڈکے چیئرمین ڈاکٹر عمر سیف نے حج کی شفاف قرعہ اندازی میں منتخب ہونے والے خوش نصیب عازمین ِ حج کو مبارک باد دیتے ہوئے کہا ہے کہ پی آئی ٹی بی حج کے طریقہء کار کو سہل ترین بنانے کے لئے موثر کردار ادا کر رہا ہے جس کا دوسرا مرحلہ شفاف قرعہ اندازی کے ذریعے مکمل ہو گیا ہے جبکہ پہلے مرحلے میں درخواست کا طریقہء کار بھی نہائت آسان بنا دیا گیا تھا۔
انہوں نے کہا کہ پی آئی ٹی بی کے وضع کردہ خود کار نظام کے ذریعے نام آتے ہی 69ہزارسے زائد عازمین ِ حج کو ایس ایم ایس کے ذریعے منتخب ہونے کی گھر بیٹھے اطلاع مل گئی۔وہ آج ارفع سافٹ ویئر ٹیکنالوجی پارک میں منعقدہ ایک اجلاس سے خطاب کر رہے تھے۔(جاری ہے)
ڈاکٹر عمر سیف نے کہا کہ پنجاب آئی ٹی بورڈ عوام الناس کے پیچیدہ مسائل حل کرنے کے لئے ٹھوس اقدامات کر رہا ہے اور خوشی اس بات کی ہے کہ ہمارے کام سے وفاق سمیت دیگر صوبے کے عوام بھی مستفید ہو رہے ہیں۔
انہوں نے کہا کہ امسال سرکاری حج کے لئے کمپیوٹرائزڈ نظام کے ذریعے 2لاکھ80 ہزار سے زائد درخواستیں موصول ہوئی تھیں جن کی جانچ پڑتال کے مشکل کام کوپی آئی ٹی بی اور وفاقی وزارتِ مذہبی امور و حج نے خوش اسلوبی سے مختصرترین وقت میں مکمل کیا۔ انہوں نے کہا کہ پرائیویٹ حج کا طریقہء کار بھی یہی ہے جس سے عازمین کو کم سے کم مشکلات کا سامنا کرنا پڑے گا۔ ڈاکٹر عمر سیف نے کہا کہ حجاج کرام کی مزید آسانی کے لئے پاکستان اور سعودی عرب میں ہیلپ لائنیں بھی قائم کی جائیں گی جن سے وہ فلائیٹ، رہائش گاہ ، گمشدہ افراد یا اشیا ء اور دیگر ضروری معلومات حاصل کر سکیں گے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.