پنجاب حکومت خواتین کی تعلیم و ترقی کیلئے جدید تقاضوں کو پورا کرنے کیلئے نئی جہتیں متعارف کروا رہی ہے‘ذکیہ شاہنواز
خواتین کو معاشی سطح پر بااختیار اور بااعتماد بنانے کے لئے مختلف پراجیکٹس کا آغاز کیا جاچکا ہے پاکستان کی کل آبادی کا نصف حصہ خواتین پر مشتمل ہے اس لئے ان کا تعلیم یافتہ ہونا ہماری اقتصادی ، تحقیقی ، معاشی،معاشرتی اور تعلیمی ترقی کے لئے بے حدضروری ہے‘صوبائی وزیر
جمعرات 5 مئی 2016 20:30
لاہور(اُردو پوائنٹ اخبارتازہ ترین - این این آئی۔05 مئی۔2016ء ) صوبائی وزیرہائرایجوکیشن بیگم ذکیہ شاہنواز نے کہا ہے کہ پنجاب حکومت خواتین کی تعلیم و ترقی کے لئے جدید تقاضوں کو پورا کرنے کے لئے نت نئی جہتیں متعارف کروا رہی ہے خواتین کو معاشی سطح پر بااختیار اور بااعتماد بنانے کے لئے مختلف پراجیکٹس کا آغاز کیا جاچکا ہے کیونکہ پاکستان کی کل آبادی کا نصف حصہ خواتین پر مشتمل ہے اس لئے ان کا تعلیم یافتہ ہونا ہماری اقتصادی ، تحقیقی ، معاشی،معاشرتی اور تعلیمی ترقی کے لئے بے حدضروری ہے-ان خیالات کا اظہار یہاں بیگم ذکیہ شاہنواز نے لاہور کالج یونیورسٹی کی 94ویں سالگرہ کے موقع پرتقریب سے خطاب کرتے ہوئے کیا- انہوں نے کہا کہ لاہور کالج یونیورسٹی لاہور کا ہاورڈ ہے یہ بے شمار ڈاکٹرز، انجینئر، سائنسدان اور پروفیسرز کی درسگاہ ہے- انہوں نے لاہور کالج کی علمی ، ادبی و تعلیمی خدمات کو سراہتے ہوئے کہا کہ پنجاب حکومت اس تعلیمی سفر میں اس کے ساتھ ہے یہی وجہ ہے کہ حکومت کی طرف سے اس کے پیش کردہ پرپوزلز کو کبھی رد نہیں کیا گیا -انہوں نے یونیورسٹی کی پودوں سے متعلق تحقیقی نرسری کا جائزہ بھی لیا-سابق وائس چانسلر ڈاکٹر بشری متین اور عظمی قریشی نے یونیورسٹی کی شاندار کارکردگی کے حوالے سے اپنے خیالات کا اظہار کیا - تقریب میں اساتذہ اورطالبات کی بڑی تعداد نے شرکت کی-اس سے قبل صوبائی وزیر نے سوسائٹی پبلک سکول مغلپورہ میں سالانہ تقسیم انعامات کی تقریب میں بچوں کی حوصلہ افزائی کے لئے پوزیشن ہولڈرز کو انعامات و شیلڈز دیں- بعدازاں انہوں نے وویمن گرل گائیڈ کی سالانہ کونسل کے اجلاس کی صدارت کی اور بہترین کارکردگی پر پنجاب بھر سے آنے والی گرل گائیڈز میں انعامات تقسیم کئے-صوبائی وزیر نے اس موقع پر گرل گائیڈ کے ٹیچرز اور طالبات سے خطاب کرتے ہوئے کہا کہ گرل گائیڈ ایک ایسا ادارہ ہے جو اخلاقی ، نفسیاتی طور پر آپ کو مکمل عورت بناتا ہے اس لئے پنجاب کے تمام اضلاع میں اپنی اپنی جگہ پر اپنے فرائض کو ایمانداری سے پورا کریں-انہوں نے کہا کہ عصری تقاضوں کو پورا کرنے کے لئے اساتذہ پر پہلے سے بھی کہیں زیادہ بھاری ذمہ داری عائد ہوتی ہے اس لئے وہ ترقی پسند سوچ کے حامل معاشرے کی تکمیل میں اپنا کلیدی کردار ادا کریں-
مزید قومی خبریں
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.