سانحہ ماڈل ٹاؤن کیس : پتھراؤ کرنیوالے پولیس اہلکاروں کو ایس پی سلیمان نے کہا انہیں گولیوں سے سبق سکھاؤ“
عبدالرؤف اے ایس آئی کی فائرنگ سے شہباز اور شیخ عاصم ایس ایچ او کی فائرنگ سے عمر رضا شہید ہوا ،انسداد دہشتگردی کی عدالت میں عوامی تحریک کے 2 گواہوں محمد شبیر اور شیر باز نے بیان قلمبند کروایا
جمعرات 5 مئی 2016 19:42
لاہور(اُردو پوائنٹ اخبارتازہ ترین - آن لائن۔05 مئی۔2016ء) انسداد دہشتگردی کی عدالت میں سانحہ ماڈل ٹاؤن استغاثہ کیس کے حوالے سے 2 چشم دید اور زخمی گواہان محمد شبیر مغل اور شیر باز خان نے اپنا بیان قلمبند کروایا۔ محمد شبیر مغل نے کہا کہ 17 جون 2014 ء کے دن میں تنظیمی مصروفیات کے سلسلے میں منہاج القرآن سیکرٹریٹ آیا جسے پولیس نے گھیر رکھا تھا اور پولیس اہلکار کارکنوں اور سیکرٹریٹ کی عمارت پر پتھراؤ کررہے تھے۔
اس پر قریب ہی کھڑے ہوئے ایس پی سکیورٹی سلیمان نے پولیس نفری کو حکم دیا کہ پتھراؤ سے نہیں انہیں گولیوں سے سبق سکھاؤ، یہ حکم ملتے ہی عبدالرؤف اے ایس آئی نے اپنی سرکاری ایس ایم جی رائفل سے کارکنوں پر فائرنگ شروع کر دی جس سے محمد شہباز گولیوں لگنے سے شدید زخمی ہو کر گر پڑا اور دم توڑ گیا۔(جاری ہے)
اسی طرح حافظ اطہر محمود ،مہر نوید ہیڈ کانسٹیبل اور خرم رفیق ہیڈ کانسٹیبل کی فائرنگ سے سیف اللہ قادری اور میں شدید زخمی ہوئے۔
عوامی تحریک کے دوسرے گواہ شیرباز خان نے اپنا بیان قلمبند کرواتے ہوئے کہا کہ 17 جون 2014 ء کے دن منہاج القرآن سیکرٹریٹ کے قریب مارکیٹ کرن پلازا میں شیخ عاصم ایس ایچ او نے پرامن کارکنوں پر فائرنگ کی جس سے عمر رضا کارکن موقع پر شہید ہو گیا۔ شیخ عاصم کے ہمراہ آصف رضا ،افضل کانسٹیبل بھی فائرنگ کرتے رہے جس سے میں اور شکیب اعوان ٹانگوں پر گولیاں لگنے سے شدید زخمی ہو گئے اس نے بتایا کانسٹیبل ندیم اقبال کی فائرنگ سے بھی متعدد کارکن زخمی ہوئے۔ سانحہ ماڈل ٹاؤن استغاثہ کیس میں مجموعی طور پر 22 چشم دید اور سانحہ کے زخمی گواہان اپنا بیان قلمبند کروا چکے ہیں۔مزید سماعت 9 مئی تک ملتوی ہو گئی۔گواہان کے بیانات کے بعد عوامی تحریک کے سیکرٹری جنرل خرم نواز گنڈاپورنے عوامی تحریک کے وکلاء کے ہمراہ میڈیا سے گفتگو کرتے ہوئے کہا کہ انسداد دہشتگردی کی عدالت میں ایسے چشم دید گواہان پیش کررہے ہیں جو نا صرف چشم دید ہیں بلکہ وہ سانحہ میں خود بھی زخمی ہوئے اور وہ قریب سے فائرنگ کرنے والے پولیس افسران، کانسٹیبلان کو اچھی طرح پہچانتے ہیں اور وہ جو موقع واردات پر گفتگو کررہے تھے وہ بھی سن رہے تھے۔انہوں نے کہا کہ قاتل اعلیٰ پنجاب کو علم ہے کہ اگر غیر جانبدار انکوائری ہو گئی تو انہیں اور ان کے آلہ کار پنجاب پولیس کے افسران کو سزا سے کوئی نہیں بچا سکے گا۔سینئر وکیل رائے بشیر احمد ایڈووکیٹ، نعیم الدین چودھری ایڈووکیٹ، سردار غضنفر ایڈووکیٹ اور مستغیث جواد حامد نے میڈیا سے گفتگو کرتے ہوئے کہا کہ 17 جون 2014 ء کا سانحہ پاکستان کی تاریخ کا سب سے سنگین اور طویل ترین وقوعہ ہے۔پنجاب حکومت اور پولیس کی متفقہ واردات 16 گھنٹے پر محیط ہے اور ایک ہی جگہ درجن سے زائد واقعات ہیں جو ہمارے زخمی کارکنان اور گواہان کے ذہنوں میں محفوظ ہیں ۔عدالت کو حقائق سے باخبر کررہے ہیں۔ ہمیں پورا یقین ہے کہ ان حقائق کی بنیاد پر عدالت ذمہ دار عناصر کو کڑی سے کڑی سزا دے گی۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.