کاشتکاروں کو ممنوعہ اقسام کی کاشت سے اجتناب کی بھی ہدایت

جمعرات 5 مئی 2016 14:49

فیصل آباد۔5 مئی(اُردو پوائنٹ اخبارتازہ ترین - اے پی پی۔05 مئی۔2016ء)پنجاب سیڈ کارپوریشن نے دھان کی منظور شدہ اقسام کا بیج وافر مقدار میں متعلقہ ڈیلرز پر فراہم کردیاہے اورکہاہے کہ کاشتکار نہ صرف معیاری اور منظور شدہ بیج کا استعمال یقینی بنائیں بلکہ ممنوعہ اقسام کی کاشت سے اجتناب بھی کیاجائے تاکہ بعد ازاں انہیں کسی پریشانی کا سامنا نہ کرناپڑے ۔

(جاری ہے)

سیڈکارپوریشن فیصل آباد ریجن کے ذرائع نے بتایاکہ اری 6، کے ایس 282، کے ایس کے 133، نیاب اری 9، سپر باسمتی ، باسمتی 198، باسمتی 370، باسمتی 385، باسمتی پاک ، باسمتی 2000، باسمتی 515، شاہین باسمتی کا بیج متعلقہ ڈیلرز ، سیڈ سٹورز اور پیسٹی سائیڈز شاپس پر دستیاب ہے جبکہ یہ بیج سیڈکارپوریشن کے دفاتر سے بھی حاصل کیاجاسکتاہے۔ انہوں نے بتایاکہ دھان کی بھر پور پیداوار حاصل کرنے کیلئے پنیری کی کاشت 20مئی سے شروع کی جاسکتی ہے ۔ انہوں نے کہاکہ کاشتکار زرعی ماہرین یا محکمہ زراعت توسیع کے فیلڈسٹاف کی مشاورت سے پھپھوند کش زہروں کا انتخاب کریں اور بیج کو زہر آلودکرکے کاشت کیاجائے تاکہ اسے مختلف بیماریوں اور کیڑے مکوڑوں سے بچانا ممکن ہو سکے۔

Facebook Twitter Google + Share on Whatsapp

کاشتکاروں کو ممنوعہ اقسام کی کاشت سے اجتناب کی بھی ہدایت

مزید تجارتی خبریں