اختلافات کو چھوڑ کر اتحاد اور اتفاق کے ساتھ انسانیت کی فلاح و بہبود کیلئے کام کریں تو اﷲ کی خوشنودی حاصل ہوگی ٗوزیر اعظم
شب معراج کا پیغام آج بھی ہمارے لئے مشعل راہ ہے ٗنواز شریف کا شب معراج کے موقع پر قوم کے نام پیغام
بدھ 4 مئی 2016 21:46
اسلام آباد (اُردو پوائنٹ اخبارتازہ ترین - این این آئی۔04 مئی۔2016ء)وزیراعظم محمد نواز شریف نے کہا ہے کہ اختلافات کو چھوڑ کر اتحاد اور اتفاق کے ساتھ انسانیت کی فلاح و بہبود کیلئے کام کریں تو اﷲ کی خوشنودی حاصل ہوگی ٗ شب معراج کا یہ پیغام آج بھی ہمارے لئے مشعل راہ ہے۔بدھ کو شب معراج کے موقع پر قوم کے نام اپنے پیغام میں وزیراعظم نے کہا کہ 27 رجب المرجب کی رات معراج النبیؐ سے نسبت ہے، واقعہ معراج النبیؐ کو ایک معجزے کی حیثیت حاصل ہے، اس رات اﷲ تعالیٰ نے اپنے برگزیدہ اور پیارے نبیؐ کو زمین سے عرش معلیٰ تک سفر کی آسانی عطاء فرمائی۔
اﷲ کے حکم سے جبرائیلؑ آپؐ کو مسجد الحرام سے مسجد اقصیٰ لے کر آئے اور یہاں سے سدرۃ المنتہیٰ تک لے کر گئے جس کے بعد آپؐ عرش معلیٰ پر اﷲ تعالیٰ کے حضور تشریف لے گئے۔(جاری ہے)
یہ انسانی تاریخ میں ایک ایسا معجزہ جے جو پوری نوع انسانی کے لئے بہت بڑی بشارت ہے۔ وزیراعظم نے شاعر مشرق علامہ اقبالؒ کے شب معراج کے حوالے سے شعر کا حوالہ دیا کہ ’’سبق ملا ہے یہ معراج مصطفی سے مجھے۔
۔ کہ عالم بشریت کی زد میں ہے گرووں‘‘۔ وزیراعظم نے کہا کہ حقیقت یہی ہے کہ اﷲ تعالیٰ نے معجزہ معراج میں انسانوں کے لئے بہت سے راز کھول دیئے اور انسان کو شب معراج کے حوالے سے یہ سبق دیا کہ اگر انسان اﷲ تعالیٰ کے بتائے ہوئے راستے پر چلے تو اسے قرب الٰہی حاصل ہو سکتا ہے۔ اﷲ تعالیٰ کا بتایا ہوا راستہ یہی ہے کہ اس پر قائم رہتے ہوئے باہمی یگانگت، رواداری اور اتفاق سے رہو تو دین و دنیا میں عروج حاصل ہوگا۔ انہوں نے کہا کہ شب معراج کا یہ پیغام آج بھی ہمارے لئے مشعل راہ ہے، ہم اگر اختلافات کو چھوڑ کر اتحاد و اتفاق کے ساتھ انسانیت کی فلاح و بہبود کے لئے کام کریں تو اﷲ کی خوشنودی حاصل ہوگی۔ انہوں نے اس بات پر زور دیا کہ شب معراج کی رات اﷲ کے حضور سجدہ ریز ہو کر وطن عزیز پاکستان کے لئے امن و سلامتی اور ترقی و خوشحالی کے لئے دعا کریں اور اپنی صفوں میں اتحاد پیدا کریں۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.